పేదలకోసం చారిటీ మ్యాచ్ నిర్వహించారు.. చివరికి ఆసుపత్రి పాలయ్యారు..

సాధారణంగా క్రికెట్ లేదా ఏదైనా ఆటలు ఆడుతున్న సమయంలో ఇరువర్గాల మధ్య ఘర్షణ తలెత్తడం సర్వసాధారణమే, ఇలాంటి ఘర్షణ మనం తరచూ చూస్తూ ఉంటాము. కానీ ఇంగ్లండ్‌లో కొందరు యువకులు పేదలకోసం చారిటీ మ్యాచ్ నిర్వహించారు. ఈ సమయంలోనే ఇరువర్గాల మధ్య ఘర్షణ కూడా తలెత్తింది. అయితే ఈ మ్యాచ్ లో ఇరువర్గాలు ఘర్షణకు దిగి ఏకంగా కొట్టుకోవడం వరకు వచ్చారు. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. పూర్తి వివరాలలోకి వెళ్తే..

పాకిస్థాన్‌లో పేద ప్రజల వైద్యం కోసం షెహజాద్ అక్రమ్ అనే వ్యక్తి ఆధ్వర్యంలో ఓ ఛారిటీ మ్యాచ్‌ని మైడ్‌స్టోన్‌లోని మోటే క్రికెట్ క్లబ్‌లో నిర్వహించారు. ఈ మ్యాచ్ లో భాగంగా ఇరు వర్గాల మధ్య చిన్నపాటి ఘర్షణ తలెత్తింది.ఈ క్రమంలోనే వీరిరువురి మధ్య మాటా మాటా పెరిగి తీవ్రస్థాయిలో గొడవ పడ్డారు.ఈ క్రమంలోనే ఈ గొడవ సద్దుమణిగే సమయానికి ఇరు వర్గాల వారి మధ్య ఇద్దరి ఆటగాళ్లకు తల పగిలి తీవ్ర గాయాలపాలయ్యారు.

ఎంతో మంచి ఉద్దేశంతో తలపెట్టిన ఈ మ్యాచ్ లో ఘర్షణ జరిగి ఈ విధంగా గాయాలు కావడంతో ఈ విషయం కాస్త చర్చనీయాంశంగా మారింది. అసలు వీరు గొడవ పడటానికి గల కారణం ఏంటి అనే విషయం తెలియడం లేదు కానీ ఇరు వర్గాల వారు గొడవ పడిన వీడియో మాత్రం సోషల్ మీడియాలో తెగ చక్కెర్లు కొడుతోంది. ఈ వీడియోలో బ్యాట్ మెన్ ఫీల్డర్ పైకి గొడవకు దిగడంతో ఇరు వర్గాల మధ్య ఘర్షణ జరిగింది అనే విషయం తెలుస్తుంది.