వాట్సాప్‌లో అద్భుత‌మైన ఫీచ‌ర్‌.. తెలిస్తే ఆశ్చ‌ర్య‌పోతారు..

ప్ర‌ముఖ ఇన్‌స్టంట్ మెసేజింగ్ యాప్ వాట్సాప్ ఎప్ప‌టిక‌ప్పుడు త‌న యూజ‌ర్ల‌కు అద్భుత‌మైన ఫీచ‌ర్ల‌ను అందిస్తూ వ‌స్తోంది. అందులో భాగంగానే ఇప్ప‌టికే అనేక ర‌కాల స‌దుపాయాలు అందులో అందుబాటులో ఉన్నాయి. ఇక త్వ‌ర‌లోనే మరో అద్భుత‌మైన ఫీచ‌ర్‌ను యూజ‌ర్ల‌కు అందించ‌నుంది. అయితే ఆ ఫీచ‌ర్ ఇప్ప‌టికే ఉన్నా.. దానికి మరిన్ని మెరుగులు దిద్ది మళ్లీ కొత్త‌గా అందించేందుకు సిద్ధ‌మవుతోంది.

వాట్సాప్‌లో మ‌నం పంపుకునే మెసేజ్‌ల‌ను వెంట‌నే డిలీట్ చేసే స‌దుపాయం కూడా ఉన్న విష‌యం విదిత‌మే. అయితే మొద‌ట్లో మ‌నం పంపుకునే మెసేజ్‌ల‌ను డిలీట్ చేసేందుకు 7 నిమిషాల స‌మ‌యం మాత్ర‌మే ఇచ్చేవారు. త‌రువాత మెసేజ్‌లు డిలీట్ అయ్యేవి కావు. కానీ త‌రువాత అదే స‌మ‌యాన్ని పెంచారు. పంపిన మెసేజ్ ల‌ను డిలీట్ చేసేందుకు త‌రువాత స‌మ‌యాన్ని ఒక గంట 8 నిమిషాల 16 సెక‌న్ల‌కు పెంచారు. అయితే ఇప్పుడు ఇదే స‌మ‌యాన్ని మళ్లీ పెంచ‌నున్నారు.

ఇక‌పై మ‌నం వాట్సాప్ లో పంపే ఏ మెసేజ్‌ను అయినా స‌రే 2 రోజుల త‌రువాత కూడా ఎవ‌రికీ క‌నిపించ‌కుండా డిలీట్ చేయ‌వ‌చ్చు. వాట్సాప్ లో పంపే మెసేజ్ ల‌ను డిలీట్ చేసేందుకు స‌మ‌యాన్ని ఏకంగా 2 రోజుల 12 గంట‌ల వ‌ర‌కు పెంచారు. దీంతో యూజ‌ర్ల‌కు మెసేజ్ ల‌ను డిలీట్ చేసేందుకు మ‌రింత ఎక్కువ సమ‌యం ల‌భ్యం కానుంది. అయితే ప్ర‌స్తుతానికి ఈ ఫీచ‌ర్‌ను బీటా యాప్‌లో టెస్ట్ చేస్తున్నారు. దీన్ని త్వ‌ర‌లోనే యూజ‌ర్లు అంద‌రికీ పూర్తి స్థాయిలో అందించ‌నున్నారు. ఇక ఇదే కాకుండా మ‌రిన్ని ప్రైవ‌సీ ఫీచ‌ర్ల‌ను కూడా వాట్సాప్ త్వ‌ర‌లోనే యూజ‌ర్ల‌కు అందించ‌నుంది.