Rahul Sipligunj : రాడిసన్ బ్లూ హోటల్లో ఆదివారం తెల్లవారు జామున 3 గంటల సమయంలో జరిగిన దాడుల్లో దాదాపు 150 మందిని పోలీసులు అదుపులోకి తీసుకున్న విషయం తెలిసిందే. అదుపులోకి తీసుకున్న వారిలో బిగ్ బాస్ విన్నర్ రాహుల్ సిప్లిగంజ్, మెగా డాటర్ నిహారిక కూడా ఉన్నారు. ఊహించని ఈ దాడిలో సదరు పబ్ నుంచి భారీగా డ్రగ్స్ స్వాధీనం చేసుకున్నారు టాస్క్ఫోర్స్ అధికారులు. మొత్తం 150 మంది యువతీయువకులు ఈ పార్టీలో పాల్గొన్నారని, అందులో చాలామంది బడా బాబుల పిల్లలున్నారని తెలుస్తోంది. అయితే రాహుల్, నిహారికలు సెలబ్రిటీలు కావడంతో వారి పేర్లు ఎక్కువగా హైలైట్ అయ్యాయి.
డ్రగ్స్ వద్దంటూ సందేశం ఇస్తున్న రాహులే.. ఇప్పుడు డ్రగ్స్ పార్టీలో పోలీసులకు దొరికిపోవడం సంచలనంగా మారింది. రాహుల్ వ్యవహారం హైదరాబాద్ టాస్క్ఫోర్స్ పోలీసుల ప్రతిష్టను మసకబారుస్తోంది. అయితే పోలీస్ స్టేషన్ నుండి బయటకు వచ్చిన తర్వాత రాహుల్ అసలు ఏం జరిగిందనే విషయాన్ని వివరించాడు. పోలీసుల దాడులకు అరగంట ముందు పబ్ కు వెళ్లానని, స్నేహితులను పలకరించి వచ్చేద్దామనుకున్నానని వివరించాడు. ఈ వ్యవహారాన్ని డ్రగ్స్ కేసు అంటున్నారని, ఆధారాలు ఉంటే డ్రగ్స్ తీసుకున్నవాళ్లనో, పబ్ మేనేజర్ నో పట్టుకోవాలని అన్నాడు.
నేను డ్రగ్స్ తీసుకున్నాననడం అవాస్తవం. కావాలంటే డీఎన్ఏ టెస్టుకు నా శాంపిల్స్ ఇస్తాను. పోలీసులు నిర్వహించే డ్రగ్స్ అవేర్ నెస్ కార్యక్రమాల్లో కూడా పాల్గొనే నేను ఎలా డ్రగ్స్ తీసుకుంటాను ? అన్నా, నిజం చెబుతున్నా.. ఇంతవరకు నాకు డ్రగ్స్ ఎలా ఉంటాయో తెలియదు. ఒక్కసారి కూడా వాటిని చూడలేదు. నేను పబ్ నుంచి వచ్చే సమయంలో పోలీసులు ఆపారు. వాళ్లు ఎందుకు ఆపారో ఆ సమయంలో నాకు తెలియలేదు. ఎవరో ఇద్దరి ముగ్గురి వల్ల అందరికీ చెడ్డ పేరు వచ్చిందని పేర్కొన్నాడు రాహుల్ సిప్లిగంజ్. లేట్ నైట్ వరకు పబ్ నిర్వహిస్తుంటే యాజమాన్యాన్ని నిలదీయాలి. కానీ ఇలా మమ్మల్ని పిలిచి ఇబ్బంది పెట్టడం ఏంటని ప్రశ్నించారు. ఈ కేసులో పోలీసులు విచారణకు ఎప్పుడు పిలిచినా వెళ్తామని, ఈ డ్రగ్స్ కేసులో తనకు ఎలాంటి సంబంధం లేనప్పుడు తాను భయపడాల్సిన పని లేదని తెలిపాడు.
అస్సాం రైఫిల్స్ వారు పలు పోస్టుల్లో ఖాళీగా ఉన్న పోస్టులను భర్తీ చేసేందుకు గాను ఆసక్తి, అర్హత ఉన్న అభ్యర్థుల…
బ్యాంకుల్లో ఉన్నత స్థానాల్లో ఉద్యోగం చేయాలని చూస్తున్నారా..? అయితే మీకు బ్యాంక్ ఆఫ్ బరోడా గొప్ప అవకాశాన్ని కల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిరపడాలని అనుకుంటున్న వారి కోసం యూనియన్ బ్యాంక్ ఆఫ్ ఇండియా శుభ వార్త చెప్పింది.…
పబ్లిక్ సెక్టార్కు చెందిన భారత్ ఎలక్ట్రానిక్స్ లిమిటెడ్ (BEL) పలు విభాగాల్లో ఖాళీగా ఉన్న పోస్టుల భర్తీకి గాను ఆసక్తి,…
దేశంలోని ప్రముఖ పబ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బరోడా ఆసక్తి, అర్హత ఉన్న అభ్యర్థుల నుంచి పలు…
రైల్వేలో ఉద్యోగం చేయాలనుకుంటున్నారా..? అయితే మీకు రైల్వే రిక్రూట్మెంట్ బోర్డు శుభవార్త చెప్పింది. పలు విభాగాల్లో ఖాళీగా ఉన్న పోస్టుల…
ఇండియన్ ఎయిర్ ఫోర్స్లో పనిచేయాలని అనుకుంటున్నారా..? అయితే ఇది మీకు ఒక గొప్ప అవకాశం అని చెప్పవచ్చు. ఇండియన్ ఎయిర్…
పోస్టల్ శాఖలో ఉద్యోగం చేయాలని అనుకుంటున్నారా..? అయితే ఈ సదకాశం మీకోసమే. తపాలా శాఖ వారు భారీ ఎత్తున ఉద్యోగ…