Puri : చిరు గాడ్ ఫాదర్ లో జోక్యం చేసుకున్న పూరీ ?

Puri : మెగాస్టార్ చిరంజీవి తన సెకండ్ ఇన్నింగ్స్ ప్రారంభించిన తర్వాత వరుస సినిమా అవకాశాలను అందిపుచ్చుకొని ప్రస్తుతం ఎంతో బిజీగా ఉన్నారు. ఈ క్రమంలోనే కొరటాల శివ దర్శకత్వంలో మెగాస్టార్ హీరోగా ఆచార్య సినిమా షూటింగ్ పూర్తి చేసుకుని పోస్ట్ ప్రొడక్షన్ పనులు జరుపుకుంటోంది. ఇదిలా ఉండగా మెగాస్టార్ తన తరువాత చిత్ర నిర్మాణ పనుల్లో బిజీగా ఉన్నారు. ఈ క్రమంలోనే మలయాళం బ్లాక్ బస్టర్ చిత్రమైన లూసిఫర్ చిత్రాన్ని తెలుగులో గాడ్ ఫాదర్ గా రీమేక్ చేయనున్నారు.

గాడ్ ఫాదర్ చిత్రాన్ని దర్శకుడు మోహన్ రాజా తెరకెక్కిస్తున్నారు. ఇప్పటికే మొదటి షెడ్యూల్ చిత్రీకరణ పూర్తి చేసుకున్న ఈ సినిమా స్క్రిప్ట్ లో పూరీ జగన్నాథ్ జోక్యం చేసుకున్నట్లు తెలుస్తోంది. తాజా సమాచారం ప్రకారం మలయాళ చిత్రమైన లూసిఫర్ లో మోహన్ లాల్ నటించారు. ఆయన పాత్రను డిజైన్ చేసిన విధానం పూరీకి నచ్చడంతో.. గాడ్ ఫాదర్ చిత్రంలో చిరు పాత్రకు సంబంధించి.. ఈ సినిమాలో చిరంజీవిని ఎలా చూపిస్తే బాగుంటుందో.. వివరించినట్లు సమాచారం.

చిరంజీవి క్రేజ్ కి తగ్గట్టుగా తెరపై చిరంజీవిని ఎలా చూపించాలో పూరీ వివరించారట. పూరీ చెప్పిన అంశాలు మెగాస్టార్ కి నచ్చడంతో స్క్రిప్టు మొత్తం పూర్తయినప్పటికీ పూరీ చెప్పిన విధంగా స్క్రిప్ట్ లో మార్పులు చేసినట్లు తెలుస్తోంది. ఇలా చిరంజీవి గాడ్ ఫాదర్ విషయంలో పూరీ జోక్యం చేసుకొని చిరంజీవి పాత్రను మరింత హైలైట్ చేసే విధంగా చెప్పారని తెలుస్తోంది.