Oppo : మొబైల్స్ త‌యారీ సంస్థ ఒప్పో రెండు నూత‌న స్మార్ట్ ఫోన్ల‌ను భార‌త్ లో విడుద‌ల చేసింది. ఒప్పో రెనో 7 5జి, రెనో 7 ప్రొ 5జి పేరిట ఆ ఫోన్లు విడుద‌ల‌య్యాయి. వీటిల్లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. అలాగే ధ‌ర‌లు కూడా అందుబాటులోనే ఉండ‌డం విశేషం.
ఒప్పో రెనో 7 5జి ఫోన్‌లో 6.43 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన అమోలెడ్ డిస్‌ప్లేను ఏర్పాటు చేశారు. దీనికి 90 హెడ్జ్ రిఫ్రెష్ రేట్ ల‌భిస్తుంది. అందువ‌ల్ల డిస్‌ప్లే చాలా క్వాలిటీగా ఉంటుంది. దీనికి గొరిల్లా గ్లాస్ 5 ప్రొటెక్ష‌న్‌ను కూడా అందిస్తున్నారు. ఈ ఫోన్‌లో ఆక్టాకోర్ మీడియాటెక్ డైమెన్సిటీ 900 ప్రాసెస‌ర్‌ను ఏర్పాటు చేశారు. అందువ‌ల్ల 5జికి స‌పోర్ట్ ల‌భిస్తుంది. 8జీబీ ర్యామ్‌, 256 జీబీ స్టోరేజ్ ఆప్ష‌న్‌లో ఈ ఫోన్ విడుద‌లైంది. మెమొరీని కార్డు ద్వారా పెంచుకోవ‌చ్చు. ఆండ్రాయిడ్ 11 ఓఎస్ ఇందులో ల‌భిస్తుంది.
రెనో 7 5జి ఫోన్‌లో డ్యుయ‌ల్ సిమ్‌ల‌తోపాటు ఒక మెమొరీ కార్డును కూడా వేసుకోవ‌చ్చు. వెనుక వైపు 64 మెగాపిక్స‌ల్ మెయిన్ కెమెరాను ఏర్పాటు చేశారు. దీనికి తోడు అద‌నంగా మ‌రో 8 మెగాపిక్స‌ల్ అల్ట్రా వైడ్ కెమెరా, ఇంకో 2 మెగాపిక్స‌ల్ మాక్రో కెమెరాలు ఉన్నాయి. ముందు వైపు 32 మెగాపిక్స‌ల్ కెమెరా ఉంది. ఇన్ డిస్‌ప్లే ఫింగ‌ర్ ప్రింట్ సెన్సార్‌ను అందిస్తున్నారు. 5జి, డ్యుయ‌ల్ 4జి వీవోఎల్‌టీఈ, బ్లూటూత్ 5.2, ఎన్ఎఫ్‌సీ, యూఎస్‌బీ టైప్ సి, 4500 ఎంఏహెచ్ బ్యాట‌రీ, ఫాస్ట్ చార్జింగ్ వంటి ఇత‌ర ఫీచ‌ర్లు ఈ ఫోన్‌లో ల‌భిస్తున్నాయి.
రెనో 7 ప్రొ 5జి ఫోన్‌లో.. 6.55 ఇంచుల ఫుల్ హెచ్‌డీ ప్ల‌స్ అమోలెడ్ డిస్‌ప్లేను ఏర్పాటు చేశారు. దీనికి కూడా 90 హెడ్జ్ రిఫ్రెష్ రేట్ ఉంది. అందువ‌ల్ల ఇందులోనూ డిస్‌ప్లే అద్భుత‌మైన క్వాలిటీని క‌లిగి ఉంటుంది. ఈ డిస్‌ప్లేకు కూడా గొరిల్లా గ్లాస్ 5 ప్రొటెక్ష‌న్‌ను అందిస్తున్నారు. ఈ ఫోన్‌లో 3 గిగాహెడ్జ్ ఆక్టాకోర్ మీడియాటెక్ డైమెన్సిటీ 1200 ప్రాసెస‌ర్‌ను ఏర్పాటు చేశారు. క‌నుక 5జి కి స‌పోర్ట్ ల‌భిస్తుంది. ఈ ఫోన్ 12 జీబీ ర్యామ్‌, 256 జీబీ స్టోరేజ్‌వేరియెంట్‌లో విడుద‌లైంది. ఆండ్రాయిడ్ 11 ఓఎస్‌ను ఇందులో అందిస్తున్నారు.
రెనో 7 ప్రొ 5జి ఫోన్‌లో.. డ్యుయ‌ల్ సిమ్ ల‌ను వేసుకోవ‌చ్చు. హైబ్రిడ్ స్లాట్ టైప్‌లో దీన్ని అందిస్తున్నారు. వెనుక వైపు 50 మెగాపిక్స‌ల్ మెయిన్ కెమెరా ఉండ‌గా.. దీనికి తోడు అద‌నంగా మ‌రో 8 మెగాపిక్స‌ల్ అల్ట్రా వైడ్ కెమెరా, మ‌రో 2 మెగాపిక్స‌ల్ మాక్రో కెమెరాల‌ను ఏర్పాటు చేశారు. ముందు వైపు 32 మెగాపిక్స‌ల్ కెమెరా ఉంది. ఇన్ డిస్‌ప్లే ఫింగ‌ర్ ప్రింట్ సెన్సార్‌ను ఇందులో అందిస్తున్నారు. 5జి, డ్యుయ‌ల్ 4జి వీవోఎల్‌టీఈ, బ్లూటూత్ 5.2, ఎన్ఎఫ్‌సీ, యూఎస్‌బీ టైప్ సి, 4500 ఎంఏహెచ్ బ్యాట‌రీ, ఫాస్ట్ చార్జింగ్ ఫీచ‌ర్ల‌ను అందిస్తున్నారు.
ఒప్పో రెనో 7 5జి ఫోన్ ధ‌ర రూ.28,999 ఉండ‌గా.. దీన్ని ఫ్లిప్‌కార్ట్‌తోపాటు ఒప్పో ఇండియా ఆన్‌లైన్ స్టోర్‌, ఇత‌ర ఆఫ్‌లైన్ స్టోర్స్‌లో ఈ నెల 17వ తేదీ నుంచి విక్ర‌యించ‌నున్నారు. అలాగే ఒప్పో రెనో 7 ప్రొ 5జి ఫోన్ ధ‌ర రూ.39,999 ఉండ‌గా.. దీన్ని ఫిబ్ర‌వ‌రి 8వ తేదీ నుంచి విక్ర‌యించ‌నున్నారు.
అస్సాం రైఫిల్స్ వారు ప‌లు పోస్టుల్లో ఖాళీగా ఉన్న పోస్టుల‌ను భ‌ర్తీ చేసేందుకు గాను ఆస‌క్తి, అర్హ‌త ఉన్న అభ్య‌ర్థుల…
బ్యాంకుల్లో ఉన్న‌త స్థానాల్లో ఉద్యోగం చేయాల‌ని చూస్తున్నారా..? అయితే మీకు బ్యాంక్ ఆఫ్ బ‌రోడా గొప్ప అవ‌కాశాన్ని క‌ల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిర‌ప‌డాల‌ని అనుకుంటున్న వారి కోసం యూనియ‌న్ బ్యాంక్ ఆఫ్ ఇండియా శుభ వార్త చెప్పింది.…
ప‌బ్లిక్ సెక్టార్‌కు చెందిన భార‌త్ ఎల‌క్ట్రానిక్స్ లిమిటెడ్ (BEL) ప‌లు విభాగాల్లో ఖాళీగా ఉన్న పోస్టుల భ‌ర్తీకి గాను ఆస‌క్తి,…
దేశంలోని ప్ర‌ముఖ ప‌బ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బ‌రోడా ఆస‌క్తి, అర్హ‌త ఉన్న అభ్య‌ర్థుల నుంచి ప‌లు…
రైల్వేలో ఉద్యోగం చేయాల‌నుకుంటున్నారా..? అయితే మీకు రైల్వే రిక్రూట్‌మెంట్ బోర్డు శుభ‌వార్త చెప్పింది. ప‌లు విభాగాల్లో ఖాళీగా ఉన్న పోస్టుల…
ఇండియ‌న్ ఎయిర్ ఫోర్స్‌లో ప‌నిచేయాల‌ని అనుకుంటున్నారా..? అయితే ఇది మీకు ఒక గొప్ప అవ‌కాశం అని చెప్ప‌వ‌చ్చు. ఇండియ‌న్ ఎయిర్…
పోస్ట‌ల్ శాఖ‌లో ఉద్యోగం చేయాల‌ని అనుకుంటున్నారా..? అయితే ఈ స‌ద‌కాశం మీకోస‌మే. త‌పాలా శాఖ వారు భారీ ఎత్తున ఉద్యోగ…