Manchu Vishnu : సినీ నటుడు, మూవీ ఆర్టిస్ట్స్ అసోసియేషన్ (మా) అధ్యక్షుడు మంచు విష్ణు ఈ మధ్య కాలంలో తరచూ వార్తల్లో నిలుస్తున్నారు. ఆయన హీరోగా, సన్నీ లియన్, పాయల్ రాజ్పూత్ హీరోయిన్లుగా గాలి నాగేశ్వర్ రావు అనే మూవీ తెరకెక్కుతున్న విషయం విదితమే. అయితే ఈ చిత్ర ప్రమోషన్స్ కోసం ఇప్పటికే ఇద్దరు హీరోయిన్లతో కలిసి మంచు విష్ణు పలు పోస్ట్లు పెట్టాడు. అవన్నీ వైరల్ అయ్యాయి. అయితే కొన్ని పోస్టులకు మాత్రం మంచు విష్ణుపై విమర్శలు వచ్చాయి. ఇక తాజాగా మళ్లీ ఇదే మూవీపై వివాదం నెలకొంది. ఈ మూవీ టైటిల్ను జిన్నాగా మారుస్తూ మేకర్స్ నిర్ణయం తీసుకున్నారు. దీంతో ఈ విషయం వివాదాస్పదం అవుతోంది. ఈ టైటిల్ను మార్చాలని బీజేపీ నేతలు డిమాండ్ చేస్తున్నారు.
మంచు విష్ణు జిన్నా సినిమాకు గాను ఆ టైటిల్ ఎందుకు పెడుతున్నారో రచయిత కోన వెంకట్ ఓ వీడియోలో వివరించారు. ఈ చిత్రానికి టైటిల్గా జిన్నా అని పెట్టినట్లు చెప్పారు. అయితే జిన్నా ఎందుకు పెట్టారు.. అది వివాదాస్పదం అవుతుందేమో.. అని విష్ణు అడగ్గా.. అందుకు కోన వెంకట్ స్పందిస్తూ.. వివాదం ఏమీ కాదండీ.. మన హీరో పేరు జి.నాగేశ్వర్ రావు. అది అతనికి నచ్చదు. కనుకనే జిన్నాగా మార్చుకుంటాడు.. అని చెబుతారు. అయితే ఈ వీడియోను చూశారో లేదో తెలియదు కానీ బీజేపీ నేత విష్ణువర్ధన్ రెడ్డి ఈ సినిమా టైటిల్పై అభ్యంతరం చెప్పారు. జిన్నా పేరుతో ఉన్న సినిమా టైటిల్ను వెంటనే తొలగించాలని అన్నారు. జిన్నా గురించి విష్ణుకు తెలియదేమో.. ఎంతో మంది ఊచకోతకు కారణమైన జిన్నా పేరును సినిమా టైటిల్గా పెట్టడం ఏమిటి.. వెంటనే తొలగించాలి.. అని విష్ణు వర్ధన్ రెడ్డి ట్వీట్ చేశారు.
కాగా ఈ విషయంపై మంచు విష్ణు ఇంకా స్పందించలేదు. ఈ మూవీకి ఈషాన్ సూర్య దర్శకత్వం వహిస్తుండగా.. 24 ఫ్రేమ్స్ ఫ్యాక్టరీ, అవ ఎంటర్టైన్మెంట్ పతాకాలపై మంచు విష్ణు స్వయంగా నిర్మిస్తున్నారు. ఈ మూవీకి కథ, స్క్రీన్ ప్లే కోన వెంకట్ అందిస్తున్నారు. అలాగే ఈయన క్రియేటివ్ ప్రొడ్యూసర్గానూ వ్యవహరిస్తున్నారు. గతంలో కోన వెంకట్ మంచు విష్ణు హీరోగా వచ్చిన ఢీ, దేనికైనా రెడీ చిత్రాలకు స్క్రీన్ ప్లే అందించారు. ఈ మూవీకి మూల కథను జి.నాగేశ్వర్ రెడ్డి అందిస్తుండగా.. అనూప్ రూబెన్స్ సంగీతం అందిస్తున్నారు.
అస్సాం రైఫిల్స్ వారు పలు పోస్టుల్లో ఖాళీగా ఉన్న పోస్టులను భర్తీ చేసేందుకు గాను ఆసక్తి, అర్హత ఉన్న అభ్యర్థుల…
బ్యాంకుల్లో ఉన్నత స్థానాల్లో ఉద్యోగం చేయాలని చూస్తున్నారా..? అయితే మీకు బ్యాంక్ ఆఫ్ బరోడా గొప్ప అవకాశాన్ని కల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిరపడాలని అనుకుంటున్న వారి కోసం యూనియన్ బ్యాంక్ ఆఫ్ ఇండియా శుభ వార్త చెప్పింది.…
పబ్లిక్ సెక్టార్కు చెందిన భారత్ ఎలక్ట్రానిక్స్ లిమిటెడ్ (BEL) పలు విభాగాల్లో ఖాళీగా ఉన్న పోస్టుల భర్తీకి గాను ఆసక్తి,…
దేశంలోని ప్రముఖ పబ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బరోడా ఆసక్తి, అర్హత ఉన్న అభ్యర్థుల నుంచి పలు…
రైల్వేలో ఉద్యోగం చేయాలనుకుంటున్నారా..? అయితే మీకు రైల్వే రిక్రూట్మెంట్ బోర్డు శుభవార్త చెప్పింది. పలు విభాగాల్లో ఖాళీగా ఉన్న పోస్టుల…
ఇండియన్ ఎయిర్ ఫోర్స్లో పనిచేయాలని అనుకుంటున్నారా..? అయితే ఇది మీకు ఒక గొప్ప అవకాశం అని చెప్పవచ్చు. ఇండియన్ ఎయిర్…
పోస్టల్ శాఖలో ఉద్యోగం చేయాలని అనుకుంటున్నారా..? అయితే ఈ సదకాశం మీకోసమే. తపాలా శాఖ వారు భారీ ఎత్తున ఉద్యోగ…