గత కొద్ది రోజుల వరకు చికెన్ ధర మార్కెట్లో కేజీకి రూ.270 వరకు పలికిన విషయం విదితమే. అయితే ప్రస్తుతం చికెన్ ధరలు భారీగా తగ్గాయి. కిలో రూ.170కి అమ్ముతున్నారు. అనేక రాష్ట్రాల్లో పాక్షిక లాక్డౌన్లు, లాక్డౌన్లు విధించడం, వాణిజ్య పరమైన వినియోగం తగ్గడం, రాత్రి కర్ఫ్యూలు వంటి అనేక కారణాల వల్ల చికెన్ ధరలు భారీగా తగ్గాయి.
గతేడాది కరోనా ప్రభావం మొదలయ్యాక చికెన్ ధరలు అమాంతం పడిపోయాయి. కానీ తరువాత చికెన్ తినడం వల్ల కరోనా రాదని, పైగా చికెన్ తింటే రోగ నిరోధక శక్తి పెరుగుతుందని చెప్పడంతో ప్రజలు చికెన్ బాగా తినడం మొదలు పెట్టారు. అయితే అప్పటి నుంచి చికెన్ ధరలు కొద్దిగా పెరుగుతూ, కొద్దిగా తగ్గుతూ వచ్చాయి. కానీ ప్రస్తుతం ధరలు మళ్లీ పడిపోయాయి.
కరోనా వల్ల చాలా చోట్ల ఆంక్షలను విధించారు. ఫంక్షన్లు, సభలు, సమావేశాలు జరగడం లేదు. హోటళ్లు, రెస్టారెంట్లలోనూ వినియోగం తగ్గింది. దీంతో డిమాండ్ 30 శాతం వరకు తగ్గినట్లు తెలుస్తోంది. అందువల్లే చికెన్ ధరలు భారీగా పడిపోయాయి. ఇక మరోవైపు వేసవిలో కోడిపిల్లలను కాపాడడం కూడా పౌల్ట్రీ రైతులకు కష్టంగా మారింది. సాధారణంగా ఒక కోడికి రూ.90 వరకు ఖర్చు పెట్టాలి. కానీ ప్రస్తుతం కిలో బరువున్న కోడిని రూ.66కే విక్రయించాల్సి వస్తోంది. దీంతో పౌల్ట్రీ రైతులు భారీ నష్టాలను చవి చూస్తున్నారు.
అయితే బ్రాయిలర్ కోళ్ల ధరలు పడిపోతున్నప్పటికీ మరోవైపు నాటుకోళ్లు, మటన్లకు గిరాకీ తగ్గలేదు. ఇంకా పెరిగింది. దీంతో వాటి ధరలు పైపైకి వెళ్తున్నాయి. నాటుకోడి కేజీ ధర రూ.400 వరకు పలుకుతోంది. కడక్నాథ్ కోడి మాంసం అయితే కేజీకి రూ.500 పైగానే పలుకుతోంది. ఇక మటన్ ధర రూ.800 వరకు ఉంది. అయితే అన్ని రాష్ట్రాల్లోనూ కరోనా కేసుల సంఖ్య భారీగా పెరిగిపోతున్న నేపథ్యంలో మళ్లీ లాక్ డౌన్ వైపు రాష్ట్రాలు అడుగులు వేస్తున్నాయి. అదే జరిగితే పౌల్ట్రీ రైతులకు ఇంకా భారీ నష్టాలు తప్పవనే తెలుస్తోంది. కరోనా ప్రభావం తగ్గి వ్యాపారాలు మళ్లీ పుంజుకుంటేనే గానీ కోళ్ల ధరలు పెరిగే అవకాశం లేదు. అప్పటి వరకు వేచి చూడాల్సిందేనని పౌల్ట్రీ రైతులు అంటున్నారు.
Cabbage Onion Pakoda : పకోడీలు అంటే చాలా మందికి ఇష్టమే. చల్లని వాతావరణంలో వేడిగా పకోడీలను తింటే ఎంతో…
Pomegranate : మనకు తినేందుకు అనేక రకాల పండ్లు అందుబాటులో ఉన్నాయి. వాటిల్లో దానిమ్మ పండ్లు కూడా ఒకటి. ఇవి…
Mango Ice Cream : వేసవి కాలంలో సహజంగానే మనకు మామిడి పండ్లు విరివిగా లభిస్తుంటాయి. వీటిని చాలా మంది…
Mangoes : ప్రతి ఏడాదిలాగానే ఈ ఏడాది కూడా ఎండలు మండిపోతున్నాయి. దీంతో జనాలు అందరూ చల్లని మార్గాలను ఆశ్రయిస్తున్నారు.…
Jonna Rotte : చపాతీ, రోటీ, నాన్.. తినడం మనకు తెలిసిందే. ఇప్పుడు వాటి స్థానంలో జొన్న రొట్టెని లొట్టలేసుకుంటూ…
Gold Price Today : ఈమధ్యకాలంలో బంగారం ధరలు ఎలా పెరిగాయో అందరికీ తెలిసిందే. ఆకాశమే హద్దుగా దూసుకుపోయాయి. అయితే…
Black Coffee Health Benefits : ఉదయం నిద్ర లేవగానే చాలా మంది బెడ్ కాఫీ లేదా టీ తాగుతుంటారు.…
Actress Rakshitha : హీరోలు చాలా కాలం పాటు సినిమా ఇండస్ట్రీలో ఉంటారు. కానీ హీరోయిన్లు అలా కాదు. హవా…