Sukumar : పుష్ప 2 కోసం సుకుమార్ రెమ్యూనరేషన్ తెలిస్తే.. షాక‌వ్వాల్సిందే..!

Sukumar : ఐకాన్ స్టార్ అల్లు అర్జున్ నటించిన పుష్ప ది రైజ్ మూవీ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాను దర్శకుడు సుకుమార్ తెరకెక్కించిన తీరు ప్రేక్షకులను ఆకట్టుకోవడంలో ఫుల్ సక్సెస్ అయ్యింది. ఇక ఈ సినిమాకు సీక్వెల్‌గా పుష్ప 2 చిత్రాన్ని తాజాగా పూజా కార్యక్రమాలతో ప్రారంభించారు చిత్ర యూనిట్. ఈ సినిమాకు సుకుమార్ దర్శకత్వంతోపాటు నిర్మాణంలో కూడా భాగం కానున్నారట. పుష్ప2 మేకింగ్ కోసం మైత్రి మూవీ మేకర్స్ నుండి సుకుమార్ పైసా వసూలు చేయడం లేదట.

పుష్ప విడుదలకు ముందు ఈ దర్శకుడు రూ.15-20 కోట్లు తీసుకోగా, థియేట్రికల్ మార్కెట్‌లో ఈ చిత్రం రూ.150 కోట్లకు అమ్మితే ప్రపంచవ్యాప్తంగా బాక్సాఫీస్ వద్ద రూ.190+ కోట్ల షేర్ కలెక్షన్ పెరిగింది. డిజిటల్ మరియు శాటిలైట్ హక్కులతో సహా నిర్మాతలు దాదాపు రూ.300 కోట్లు తీసుకున్నారు. అయితే పుష్ప కోసం రూ.50 కోట్లు వసూలు చేసిన అల్లు అర్జున్ రెండవ భాగానికి రూ.110+ కోట్లు తీసుకోనున్నట్టు సమాచారం. అయితే నిర్మాతల నుండి భారీగా డబ్బు డిమాండ్ చేసి ఆర్థిక ఒత్తిడికి గురి చేయడం కంటే.. సుకుమార్ చిత్రానికి సహ నిర్మాతగా మారినట్లు సమాచారం.

సుకుమార్ ఇప్పుడు డబ్బు తీసుకోకుండా సినిమా నికర లాభాల నుంచి వాటా తీసుకుంటారు. అంచనా ప్రకారం ఆ షేర్ సులభంగా రూ.70-90 కోట్ల వరకు రావచ్చు. ఇక ఈ సినిమాపై ఉన్న నమ్మకంతోనే సుకుమార్ ఈ నిర్ణయం తీసుకున్నారని చిత్ర వర్గాలు అంటున్నాయి. పుష్పరాజ్ పాత్రలో మరోసారి బన్నీ విధ్వంసం సృష్టించేందుకు రెడీ అవుతుండగా ఈ చిత్రంలో అందాల భామ రష్మిక మందన్న‌ హీరోయిన్‌గా నటిస్తోంది. ఈ సినిమాకు దేవిశ్రీ ప్రసాద్ సంగీతం అందిస్తుండటంతో ఈ సినిమాపై అంచనాలు ఓ రేంజ్‌లో క్రియేట్ అయ్యాయి. దసరా తర్వాత పుష్ప 2 షూటింగ్ ప్రారంభం కానుంది.