Pakeezah : న‌టి పాకీజాకి భారీ సాయం చేసిన చిరంజీవి.. ఫ్యాన్స్ ఎంతో హ్యాపీ..

Pakeezah : సినిమా ఇండస్ట్రీలో చాలా మంది ఒకప్పుడు స్టార్ స్టేటస్ అనుభవించి ఇప్పుడు తిండికి డ‌బ్బులు లేని ప‌రిస్థితిలో ఉ న్నారు. ఉండటానికి ఇల్లు లేక, ఆర్ధికంగా ఇబ్బందులు పడుతూ.. నానా కష్టాలు పడుతున్నారు.అలానే నటి పాకీజా కూడా అదే పరిస్థితిని ఎదుర్కొంటుంది. ఒకప్పుడు ఆమె బిజీ ఆర్టిస్ట్. ఆమె డేట్స్ కూడా దొరికేవి కావు. అంత బిజీగా గడిపిన పాకీజా ఇప్పుడు సినిమా ఛాన్స్ లు లేక.. ఆర్ధికంగా చాలా ఇబ్బందులు ఎదుర్కొంటుంది.పాకీజా అసలు పేరు వాసుకి కాగా, ఆమె కామెడీ ప్రధాన పాత్రలు చేసి పాపులారిటీ సొంతం చేసుకున్నారు.

ఇప్పుడు ఆమె ప‌రిస్థితి బాగోలేక ఒక హాస్టల్ లో ఉంటూ కాలం గడుపుతున్నారు. ఇటీవ‌ల ఓ ఇంట‌ర్వ్యూలో ఆమె దీన‌స్థితి గురించి చెప్పారు. ఆ విష‌యం తెలుసుకున్న నాగబాబు వెంట‌నే ఆమెకి లక్షరూపాయల చెక్ పంపించారు. అయితే ఆ విషయాన్ని బయటికి చెప్పలేదు. ఇటీవ‌ల‌ నాగబాబును ఇంటర్వ్యూ చేస్తూ ఓ టీవీ ప్రతినిధి రోహన్ ఆ విషయాన్ని రివీల్ చేశాడు. వాసుకి ఆర్ధిక పరిస్థితి తనని కదిలించి వేసిందనీ, అందుకే తనకి తోచిన సాయాన్ని అందించానని నాగబాబు చెప్పారు. ఇక తాజాగా చిరంజీవి సైతం పాకీజా ఆర్థిక ప‌రిస్థితి గురించి తెలుసుకొని సాయం చేశారు.

పాకీజాకి లక్ష రూపాయలు ఆర్థిక సాయాన్ని అందించిన చిరంజీవి.. తెలుగు సినిమాలు, బుల్లితెర సీరియల్స్ లో పాకీజాకు ఒక పాత్ర ఇచ్చి ఆమె ఆర్థికంగా నిలదొక్కుకునేందుకు సాయపడాలని చిరంజీవి విజ్ఞప్తి చేశారు. చిరంజీవితో ఒక్క సినిమాలో కూడా నటించకపోయినా నాగబాబు, చిరంజీవి ఆర్థికంగా ఆదుకోవడంపై పాకీజా చాలా భావోద్వేగానికి లోనయ్యారు. తమిళ్ లో నన్ను పట్టించుకోలేదు.. ఒక్క రూపాయి కూడా ఇవ్వలేదు.. ఇప్పుడు నేను ఒక ముద్ద తింటున్నాను అంటే అది తెలుగువాళ్లు వల్లే అంటూ ఎమోషనల్ అయ్యారు పాకీజా..అసెంబ్లీ రౌడీ సినిమాలో పాకీజాగా నటించిన వాసుకీ ఎన్నో తెలుగు, తమిళ సినిమాల్లో లేడీ కమేడియన్ గా నటించి బాగానే సంపాదించిన అనారోగ్యం వ‌ల‌న ఆస్తులు కోల్పోయింది.