Bigg Boss : బిగ్ బాస్ 6వ సీజ‌న్ తుస్‌.. దారుణంగా రేటింగ్స్‌..!

Bigg Boss : తెలుగు బుల్లితెరపై బిగ్ బాస్ షో సృష్టించిన ప్రభంజనం గురించి ప్రత్యేకంగా చెప్పనక్కర్లేదు. ప్రపంచవ్యాప్తంగా బిగ్ బాస్ రియాల్టీ షోకి ప్రేక్షకులలో ఎంతో క్రేజ్ పెరిగింది. ఈ ఎంటర్టైన్మెంట్ షోకి ఏర్పడిన ఆదరణ ఎలాంటిది అంటే వీక్షకులు వేరే కార్యక్రమాలపై ఆసక్తి చూపలేనంత రేంజ్ లో ప్రబంజనం సృష్టించింది. ఇప్పటి వర‌కు 5 సీజన్స్ ని దిగ్విజయంగా పూర్తి కొన్ని ఎంతో మంచి ఆదరణ పొందింది.  ఈ బిగ్గెస్ట్ రియాలిటీ షో.. 5 సీజన్స్ కూడా ఒకదానిని మించి ఒకటి బంపర్ హిట్ అయ్యాయి. 5 వ సీజన్ పూర్తి అయిన‌ తర్వాత బిగ్ బాస్ OTT సీసన్ ని ప్రారంభిస్తే అది కూడా మంచి రెస్పాన్స్ అందుకుంది.

ఇలా ముందు సీజన్స్ అన్నీ కూడా సూపర్ రెస్పాన్స్ రావడంతో ఆరవ సీసన్ భారీ అంచనాల నడుమ ఇటీవలే ప్రారంభం అయ్యింది. ముందు జరిగిన బిగ్ బాస్ సీజన్స్ తో పోలిస్తే ఆరవ సీజన్ ఆడియన్స్ ని ఏ మాత్రం కూడా ఆకట్టుకోలేకపోతుంది అనే చెప్పుకోవచ్చు. మొదటిరోజు ఎపిసోడ్ కి కేవలం 8 టిఆర్పి రేటింగ్స్ మాత్రమే రావడం జరిగింది. ముందు ప్రసారమైన సీజన్స్ ప్రారంభ ఎపిసోడ్స్ ఏది కూడా 15 టిఆర్పి రేటింగ్స్ కి తగ్గేవి కాదు. కానీ బిగ్ బాస్ సీజన్ 6 కి మాత్రం వాటిల్లో సగం కూడా రాకపోవడం అందర్నీ ఆశ్చర్యపరుస్తుంది.

ఇక రెగ్యులర్ ఎపిసోడ్స్ కి వచ్చే టిఆర్పి రేటింగ్స్ అయితే మరి దారుణంగా ఉన్నాయి. మొదటి వారం అన్నీ రోజులకు కలిపి యావరేజ్‌గా  కనీసం 5 రేటింగ్స్ కూడా రాబట్టుకోలేకపోతుంది. దీనితో నాగార్జున గత వారం శనివారం రోజు హౌస్ మేట్స్ ని సరిగా ఆడడం లేదని  కోపంతో క్లాస్ పీకడం అందరినీ షాక్ కి గురి చేసింది. నాగార్జున వార్నింగ్  తర్వాత అయినా బిగ్ బాస్ కంటెస్టెంట్స్ బాగా ఆడి బిగ్ బాస్ షోకి టిఆర్పి రేటింగ్స్ పెంచుతారు  అనుకుంటే మొదటి వారానికి రెండవ వారానికి పెద్ద తేడా కంటెస్టెంట్స్ ఎప్పుడు లాగానే తమ‌ ఆటతీరును ప్రదర్శించారు.

హౌస్ లో రేవంత్, గీతూ, ఇన‌య సుల్తానా తప్ప మిగిలిన హౌస్ మెంబర్స్ ఎవరు కూడా  నాగార్జున  మళ్ళీ తిడతారేమో  అని భ‌యపడి ఆడుతున్నారే తప్ప, ఎవరిలోనూ ఆడాలనే కసి మాత్రం చూపించడం లేదు అని చెప్పవచ్చు. మునుపటి సీజన్స్ లో బిగ్ బాస్ హౌస్ లో సభ్యులు ఆటని ఎంతో కసిగా, పట్టుదలగా ఆడేవారు. ప్రేక్షకులు కూడా ఎవరు గెలుస్తారో చూడాలని ఆసక్తి కలిగించే వారు. ఈసారి ఇంటి సభ్యులలో  అలాంటి పట్టుదల ఎవరిలో కనిపించడం లేదు. వీక్షకులకు కూడా ప్రస్తుతం జరుగుతున్న ఎపిసోడ్ లు  చూస్తుంటే ఎంతో బోర్ గా అనిపిస్తుంది అనే వార్తలు వినిపిస్తున్నాయి. ప్రస్తుతం జరుగుతున్న షో అంత ఆశాజనకంగా లేకపోవడంతో స్పాన్సర్ చేసే బ్రాండెడ్ కంపెనీలు కూడా ఒక్కొక్కటిగా తప్పుకోవడం జరుగుతుందట. మరి ఈ షోని ప్రేక్షకులను మెప్పించి టిఆర్పి రేటింగ్ పెంచాలంటే బిగ్ బాస్ టీం ఏమైనా సరికొత్త ప్రణాళికలు సిద్ధం చేస్తారో  లేదో వేచి చూడాలి.