Allipoola Vennela : దుమ్ము రేపుతున్న ఏఆర్ రెహ‌మాన్, తెలంగాణ జాగృతి బ‌తుక‌మ్మ పాట‌..!

Allipoola Vennela : తెలంగాణ‌లో బ‌తుక‌మ్మ పండుగ‌కు ఉన్న విశిష్ట‌త అంతా ఇంతా కాదు. మ‌హిళ‌లంద‌రూ రంగు రంగుల పువ్వుల‌ను అందంగా పేర్చి ఒక చోట చేర్చి బ‌తుక‌మ్మ ఆడుతూ, జాన‌పదాలు పాడుతూ ఈ పండుగ‌ను జ‌రుపుకుంటారు. ఈ క్ర‌మంలోనే తెలంగాణ రాష్ట్ర ప్ర‌భుత్వం కూడా ప్ర‌తి ఏడాది బ‌తుక‌మ్మ ఉత్స‌వాల‌ను ఘ‌నంగా నిర్వ‌హిస్తోంది.

అయితే తెలంగాణ జాగృతి ఆధ్వ‌ర్యంలో ఎమ్మెల్సీ కల్వ‌కుంట్ల క‌విత నిర్మాణంలో తాజాగా విడుద‌లైన అల్లిపూల వెన్నెల అనే బ‌తుక‌మ్మ పాట యూట్యూబ్‌లో దుమ్ము రేపుతోంది. ఈ పాట‌ను ద‌ర్శ‌కుడు గౌత‌మ్ వాసుదేవ మీన‌న్ తెర‌కెక్కించారు. ఆయ‌నే ఈ పాట‌ను విడుద‌ల చేశారు. ఇక ఈ పాట‌కు ఆస్కార్ విజేత‌, ప్ర‌ముఖ సంగీత ద‌ర్శ‌కుడు ఏఆర్ రెహ‌మాన్ సంగీతం అందించారు. ఈ క్ర‌మంలోనే ఈ పాట‌కు ప్రేక్ష‌కుల నుంచి అద్భుత‌మైన స్పంద‌న ల‌భిస్తోంది.

ఉత్తరా ఉన్నికృష్ణన్ ఈ పాట‌ను పాడ‌గా, ప్రముఖ రచయిత మిట్టపల్లి సరేందర్ లిరిక్స్ అందించారు. జాతీయ అవార్డు గ్రహీత బ్రిందా కొరియోగ్రఫీ బాధ్య‌త‌లు నిర్వ‌ర్తించారు. అక్టోబర్ 6 నుండి తొమ్మిది రోజుల పాటు బతుకమ్మ పండుగ జరగనుంది. దీంతో ఈ పాట అశేష జ‌నావ‌ళిని అల‌రించ‌డం ఖాయంగా క‌నిపిస్తోంది.