సాధార‌ణంగా ఉప్పును మ‌నం వంట‌ల్లో వేస్తుంటాం. దీని ఉప‌యోగం రోజూ ఉంటుంది. ఇది లేకుండా వంట‌లు పూర్తి కావు. ఉప్పు లేని ఆహారాల‌ను మ‌నం తిన‌లేం. అయితే కేవ‌లం వంట‌ల‌కే కాదు, ఉప్పు మ‌న‌కు ప‌లు విధాలుగా ఉప‌యోగ‌ప‌డుతుంది. దాన్ని ఏయే ప‌నుల‌కు ఎలా వాడాలో ఇప్పుడు తెలుసుకుందాం.
* కాఫీ మ‌రీ చేదుగా ఉంటే అందులో కొద్దిగా ఉప్పు క‌లిపితే చాలు చేదు త‌గ్గుతుంది.
* గోరు వెచ్చ‌ని నీటిలో ఉప్పు క‌లిపి ఆ మిశ్ర‌మంతో ఫ్రిజ్ లోప‌లి భాగాన్ని శుభ్రం చేయ‌వ‌చ్చు. లోప‌ల త‌ళ‌త‌ళా మెరుస్తుంది.
* చెక్క టేబుల్స్, ఇత‌ర వ‌స్తువుల‌పై ప‌డే నీళ్ల మరకలను ఉప్పుతో తొల‌గించ‌వ‌చ్చు. అందుకు ఉప్పు, నీళ్లు క‌లిపిన మిశ్ర‌మంతో శుభ్రం చేయాలి.
* నీటిలో ఉప్పు వేసి అందులో స్పాంజిల‌ను రాత్రంతా నాన‌బెట్టాలి. ఇలా త‌ర‌చూ చేస్తుంటే స్పాంజిలు త్వ‌ర‌గా పాడుకాకుండా ఉంటాయి.
* ఒక టీస్పూన్ ఉప్పు, ఒక టీస్పూన్ బేకింగ్ సోడాను తీసుకుని వాటిని అర క‌ప్పు నీటిలో క‌లిపి మిశ్ర‌మంగా త‌యారు చేయాలి. ఇది స‌హ‌జ‌సిద్ధ‌మైన మౌత్ వాష్ లా ప‌నిచేస్తుంది. దీంతో నోటిని శుభ్రం చేసుకోవ‌చ్చు.
* ఒక పాత్ర‌లో కొద్దిగా నీటిని పోసి అందులో ఉప్పు వేసి క‌ల‌పాలి. ఆ నీటిలో కోడిగుడ్డును వేయాలి. గుడ్డు మునిగితే అది తాజాగా ఉన్న‌ట్లు లెక్క. గుడ్డు తేలితే అది పాడైపోయిన‌ట్లు లెక్క.
* దుస్తుల‌పై ప‌డిన గ‌డ్డి మరకలను తొల‌గించ‌డంలోనూ ఉప్పు ప‌నిచేస్తుంది. మ‌ర‌క‌ల‌పై నిమ్మ‌ర‌సం రాసి వాటిపై ఉప్పు చ‌ల్లాలి. త‌రువాత కొంత సేపు ఉంచి ఉతికేయాలి. దీంతో మ‌ర‌క‌లు పోతాయి.
* అర క‌ప్పు గోరు వెచ్చ‌ని నీటిలో కొద్దిగా ఉప్పు, బేకింగ్ సోడా, నిమ్మ‌ర‌సం ల‌ను క‌లిపి అందులో చేతివేళ్ల‌ను 10 నిమిషాల పాటు ఉంచాలి. దీంతో వేళ్లు, గోర్లు ఆరోగ్యంగా మారుతాయి. అందంగా, మృదువుగా క‌నిపిస్తాయి.
* కోడిగుడ్డు నేల‌పై ప‌డి ప‌గిలితే శుభ్రం చేశాక కూడా వాస‌న వ‌స్తుంది. ఒక ప‌ట్టాన ఆ వాస‌న పోదు. అలాంటి సంద‌ర్భంలో గుడ్డు ప‌గిలిన వెంట‌నే దానిపై ఉప్పు చ‌ల్లాలి. 20 నిమిషాల త‌రువాత క‌డిగేయాలి. దీంతో వాస‌న రాకుండా ఉంటుంది.
* చీమ‌లు వెళ్లే దారిలో ఉప్పు చ‌ల్లితే చీమ‌లు దారి త‌ప్పుతాయి. చీమ‌ల‌ను ఇలా త‌రిమేయ‌వ‌చ్చు.
* ఉప్పు, నీళ్లు క‌లిపిన మిశ్ర‌మంతో ఇత్త‌డి, రాగి పాత్ర‌ల‌ను తోమితే అవి త‌ళ‌త‌ళా మెరుస్తాయి.
* ఒక క‌ప్పు నీటిలో కొద్దిగా ఉప్పు క‌ల‌పాలి. అందులో టూత్ బ్ర‌ష్‌ను బ్రిజిల్స్ మునిగేలా ఉంచాలి. 10-15 నిమిషాలు ఉంచాక తీసి క‌డిగాలి. ఇలా చేస్తే టూత్ బ్ర‌ష్‌ల‌ను ఎక్కువ కాలం వాడ‌వ‌చ్చు.
* దుస్తుల‌పై ప‌డిన ర‌క్త‌పు మరకలను ఉప్పు పోగొడుతుంది. అందుకు గాను ఉప్పు, నీటి మిశ్రమాన్ని మ‌ర‌క‌ల‌పై రాయాలి. కాసేపు ఆగాక ఉతికేయాలి. మ‌ర‌క‌లు పోతాయి.
* నిమ్మ‌ర‌సం, ఉప్పు క‌లిపిన మిశ్ర‌మంతో శుభ్రం చేస్తే లోహ‌పు వ‌స్తువుల‌కు ప‌ట్టే తుప్పు వ‌దులుతుంది.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…