Sunil : అల్లు అర్జున్ – సుకుమార్ కాంబినేషన్లో రూపొందిన చిత్రం పుష్ప. ఈ మూవీ నేడు గ్రాండ్గా విడుదలైంది. గత కొద్ది రోజులుగా ఈ మూవీకి సంబంధించి జోరుగా ప్రమోషనల్ కార్యక్రమాలు జరుగుతున్నాయి. సినిమాకు సంబంధించి అనేక వార్తలు కూడా సోషల్ మీడియాలో చక్కర్లు కొడుతున్నాయి. ఆ మధ్య పుష్ప టీంకి బన్నీ కాస్ట్లీ బహుమతులు ఇచ్చాడని ప్రచారం జరగగా, తాజా ఇంటర్వ్యూలో సునీల్ స్పందించాడు.
పుష్ప టీంకి బన్నీ గోల్డ్ బిస్కెట్స్, గోల్డ్ కాయిన్స్ బహుమతిగా ఇచ్చాడని టాక్స్ వినిపిస్తున్నాయి, ఇది నిజమా అని అడగగా, దానికి సునీల్ అవునని సమాధానం చెప్పాడు. అల్లు అర్జున్ అందరికీ గోల్డ్ ఇవ్వడంపై అభిమానులు షాక్ అవుతూ, ఎంత మంచి మనసు అంటూ ప్రశంసలు కురిపిస్తున్నారు.
సుకుమార్ దర్శకత్వంలో అల్లు అర్జున్ నటిస్తున్న ఈ సినిమా ప్రపంచ వ్యాప్తంగా నేడు విడుదల అయ్యింది. ముందు నుంచీ ఈ సినిమా పై భారీ అంచనాలు నెలకొన్నాయి. ఈ అంచనాలకు ఏమాత్రం తగ్గకుండా సుకుమార్ సినిమాను అత్యంత ప్రతిష్టాత్మకంగా తెరకెక్కించారు.
ఇక ఈ సినిమాకు సంబంధించిన ఇప్పటికే విడుదలై ట్రైలర్ సినీ ప్రేక్షకులకు కట్టి పడేసింది. ఈ సినిమాలోని పాటలకు కూడా ప్రేక్షకులు ఫిదా అయ్యారు. మరీ ముఖ్యంగా సమంత నటించిన స్పెషల్ సాంగ్ ‘ఊ అంటావా మామ’ సంచలనం సృష్టించింది.