Samantha In Pushpa Movie : టాలీవుడ్ స్టార్ హీరోయిన్ సమంత తొలి సారి పుష్ప సినిమా కోసం ఐటెం భామగా మారిన విషయం తెలిసిందే. గత వారం షూటింగ్ జరుపుకున్న ఈ సాంగ్ లిరికల్ వీడియోను తాజాగా విడుదల చేశారు. ఇందులో సమంత చాలా హాట్ హాట్గా కనిపిస్తోంది. బన్నీతో మాంచి జోష్తో ఈ సాంగ్కి సమంత డ్యాన్స్ చేసినట్టు అర్ధమవుతోంది. చంద్రబోస్ ఈ సాంగ్ రాయగా, చంద్రవతి చౌహాన్ ఆలపించారు. ఈ సాంగ్ ప్రేక్షకులకి మాంచి కిక్ ఇవ్వడం ఖాయంగా కనిపిస్తోంది.
సమంత ఇప్పటివరకు తన కెరీర్ లో గెస్ట్గా చేసిన పాత్రలే చాలా తక్కువ. అందులోనూ ఒకేసారి ఇలాంటి స్పెషల్ సాంగ్ కోసం గ్రీన్ సిగ్నల్ ఇచ్చిందంటే అదే ప్రేక్షకులకు పెద్ద న్యూస్. సమంత చేసిన ‘ఓ అంటావా.. ఓ ఓ అంటావా’ అనే పాట థియేటర్లో రచ్చ చేయడం ఖాయంగా కనిపిస్తోంది. బన్నీతో ఈమె చేసిన డ్యాన్స్కి ప్రేక్షకులు పూనకాలు వచ్చి ఊగిపోతారనడంలో ఎలాంటి సందేహం లేదు.
కేవలం ఐదు రోజులు మాత్రమే షూటింగ్ చేసిన ఈ పాట కోసం సమంత ఏకంగా 1 కోటి 30 లక్షల రూపాయలను రెమ్యునరేషన్ గా అందుకున్నట్లు సోషల్ మీడియాలో వార్తలు వినిపిస్తున్నాయి. కాగా, అల్లు అర్జున్, సుకుమార్ కాంబినేషన్లో తెరెకెక్కుతున్న పాన్ ఇండియా చిత్రంలో రష్మిక మందన్న కథానాయికగా నటిస్తున్న విషయం తెలిసిందే.