Japan OTT Streaming : ఓటీటీలోకి వ‌చ్చేసిన కార్తీ జ‌పాన్ మూవీ తెలుగు వ‌ర్షెన్.. ఎక్క‌డ చూడొచ్చంటే..!

Japan OTT Streaming : త‌మిళ స్టార్ హీరో సూర్య సోద‌రుడు, ప్ర‌ముఖ న‌టుడు కార్తి తెలుగు ప్రేక్ష‌కుల‌కి కూడా సుప‌ర‌చిత‌మే. ఆయ‌న చేసిన చాలా సినిమాలు మంచి విజ‌యం సాధించాయి. కార్తీ కెరీర్‌లో 25వ సినిమాగా జపాన్ రూపొందించబడింది. జపాన్ కోసం కార్తీ తన మేకోవర్ మార్చుకున్నాడు. కొత్తగా కనిపించాడు. కొత్తగా వినిపించాడు. తన గొంతులోని మాడ్యులేషన్ సైతం కొత్తగా వినిపించి అలరించింది. నవంబర్ 10న ఈ చిత్రం థియేటర్లోకి వచ్చి ప్రేక్ష‌కుల‌ని మెప్పించింది. అయితే జ‌పాన్ మూవీ తమిళ్ వర్షన్ కొద్ది రోజుల క్రితం ఓటీటీలో రిలీజ్ చేశారు. ఇక ఇప్పుడు తెలుగు వర్షన్ ను కూడా అందుబాటులోకి తీసుకువచ్చారు.నేటి( డిసెంబర్ 13) నుంచి జపాన్ తెలుగు వెర్షన్ అందుబాటులో ఉంది.

ప్రముఖ ఓటీటీ సంస్థ నెట్ ఫ్లిక్స్ జపాన్ సినిమా ఓటీటీ రైట్స్ ను సొంతం చేసుకోగా, జపాన్ సినిమాను తెలుగు, త‌మిళ భాష‌ల‌లో స్ట్రీమింగ్ చేస్తున్నారు. రాజు మురుగన్ దర్శకత్వంలో తెరకెక్కిన ఈ సినిమా ఆశించినన్ స్థాయిలో ప్రేక్షకులను ఆకట్టుకోలేకపోయింది. జపాన్ సినిమాలో కార్తీ డిఫరెంట్ లుక్ లో కనిపించి మెప్పించారు. అలాగే ఆయన స్లాంగ్ కూడా చాలా డిఫరెంట్ గా ఉంటుంది. స‌రికొత్త కంటెంట్‌తో ప్రేక్ష‌కుల‌ని మెప్పించే కార్తీ సినిమా కోసం అంద‌రు ఎంతో ఆస‌క్తిగా ఎదురు చూస్తుంటారు. జ‌పాన్ సినిమా భారీ అంచనాలతో ప్రేక్షకుల ముందుకు రాగా, ఈ చిత్రం నిరాశ‌ప‌ర‌చింది. సినిమా మొదట్లో బాగున్నా తర్వాత బోర్ కొట్టిస్తుంది. రెగ్యూలర్ సీన్లు ఉంటాయి. సినిమాలో చూపించిన ట్విస్టులు పెద్దగా వర్కౌట్ కాలేదు.

జ‌పాన్ చిత్రంని కార్తీన్ని ఒక్కడే తన భుజాన మోసినట్టుగా అనిపిస్తుంది. సునీల్ పాత్ర కొన్ని సార్లు సీరియస్‌గా అనిపిస్తుంది. ఇంకొన్ని సార్లు కామెడీగా కనిపిస్తుంది. అను ఇమాన్యుయేల్ పాత్రకు ఇంపార్టెన్స్ లేదనిపిస్తుంది. కనిపించేది కూడా కొద్ది సేపే. కేఎస్ రవికుమార్, రాజేష్ అగర్వాల్ ఇలా మిగిలిన పాత్రలన్నీ ఓకే అనిపిస్తాయి.సాంకేతికంగా చూస్తే.. మాటలు కొన్ని చోట్ల నవ్విస్తాయి. ఇంకొన్ని చోట్ల ఆలోచింపజేస్తాయి. పాటలు ఏమంత ప్రభావాన్ని చూపించవు. విజువల్స్ బాగుంటాయి. ఎమోషనల్‌గా కనెక్ట్ కాకపోవడం వల్లే నిడివి కూడా సమస్యగానే అనిపిస్తుంది. నిర్మాణ విలువలు అంతంత మాత్రంగానే ఉన్నాయి.