Guppedantha Manasu December 15th Episode : శైలేంద్రను గ‌న్‌ తో కాల్చిన మ‌హేంద్ర‌.. వ‌సుధార‌ బాధ్య‌తని అనుపమకు అప్పగించిన మహేంద్ర..!

Guppedantha Manasu December 15th Episode : శైలేంద్ర దారుణాలని చూస్తూ, చేతకాని వాడిలా ఉండిపోయానని అనుపమతో మహేంద్ర అంటాడు. రిషి ని మాకు దూరం చేశాడని తెలిసిన రోజే, వాడిని చంపి ఉండాల్సిందని ఆవేశపడతాడు, మేము వేసే ఎత్తుకు పై ఎత్తు వేసి, తప్పు మాదే అని నిరూపిస్తున్నాడని, రాక్షసుడులా రోజు రోజుకి ప్రవర్తన మితిమీరి పోతోందని, అనుపమకి మహేంద్ర చెప్తాడు. నా ప్రాణానికి ప్రాణమైన జగతిని చంపేసిన శైలేంద్రని, రిషి ముందు సాక్షాలతో నిలబెట్టాలని అనుకున్నాను. కానీ అది జరిగేలా లేదని, మహేంద్ర బాధపడతాడు. రిషికి ఏదన్నా అయితే నేను తట్టుకోలేనని చెప్తాడు. రిషికి ఏం కాదని ధైర్యంగా ఉండమని చెప్తుంది అనుపమ.

కంటికి రెప్పలా వసుధారను చూసుకుంటానని, నాకు మాట ఇవ్వమని అనుపమని అడుగుతాడు. తన బాధ్యత నువ్వు తీసుకోవాలని అంటాడు. నాకు ఎందుకు బాధ్యత అప్పగిస్తున్నామని అడుగుతుంది అనుపమ. మహేంద్ర మాటలు కొత్తగా ఉండడంతో, అనుపమకి కంగారు వస్తుంది. పిచ్చి పని ఏమైనా చేయబోతున్నావా అని అడుగుతుంది. రిషి పై బెంగతో ఆవేశంలో ఎలాంటి నిర్ణయాలు తీసుకోవద్దని చెప్తుంది. జరిగేది, జరగబోయేది చూస్తూ ఉండటం తప్ప, తాను ఏం చేయలేనని మహేంద్ర చెప్తాడు.

నువ్వు నాకు సపోర్ట్ చేసిన చేయకపోయినా వసు కి అండగా ఉండాలని, అనుపమతో మహేంద్ర అంటాడు. వసుధార జాగ్రత్తని చెప్తాడు. ఎండి సీట్ ని తనకి అప్పగించాలని కండిషన్ కి వసుధార తప్పకుండా ఒప్పుకుంటుందని సంతోషంలో ఉంటాడు శైలేంద్ర. తొందరలోనే ఎండి కాబోతున్నట్లు ఊహల్లో తేలిపోతాడు. అతనికి ఎదురుగా మహేంద్ర కనపడటంతో సైలేంద్ర షాక్ అవుతాడు. డాడీ ఇంట్లో లేరు కదా, మీరు ఎందుకు వచ్చారని భయంగా అంటాడు. నీకోసమే వచ్చాను అని మహేంద్ర చెప్తాడు.

వసుధార మొత్తం అతనికి చెప్పేస్తుందని శైలేంద్ర కి అర్థమవుతుంది. ధరణిని పిలుస్తాడు. శైలేంద్ర రూమ్ నుండి వెళ్ళిపోకుండా, రూమ్ డోర్ క్లోజ్ చేస్తాడు మహేంద్ర. రిషి ఎక్కడున్నాడని శైలేంద్ర ని అడుగుతాడు. రిషి ఎక్కడున్నాడో తనకి తెలియదని, అతని గురించి మీకు ఎంత తెలుసో, నాకు కూడా అంతే తెలుసు అని మహేంద్రతో అబద్ధం చెప్తాడు శైలేంద్ర. నా సహనాన్ని పరీక్షించకు. నిజం చెప్పమని వార్నింగ్ ఇస్తాడు. నేను నిజం చెప్తున్నాను అని మీరే నమ్మట్లేదని శైలేంద్ర అంటాడు. శైలేంద్రని ఒకటి కొట్టి అడుగుతాడు.

తర్వాత శైలేంద్ర ఏదో చెప్తే మళ్ళీ ఇంకొకటి కొడతాడు. అయినా శైలేంద్ర నిజం చెప్పకపోవడంతో, మహేంద్ర గన్ తీసి, రిషి ఎక్కడున్నాడో చెప్పమని బెదిరిస్తాడు. దేవయానిని, ధరణిని పిలుస్తాడు. బాబాయ్ తనని చంపేస్తున్నాడని చెప్తాడు. దేవయాని శైలేంద్ర దగ్గరికి వస్తుంది. రూమ్ మూసి ఉండడంతో వదిలేయమని వేడుకుంటుంది. నీ నిజ స్వరూపం తెలిసిన రోజే చంపేయాలి. కానీ అన్నయ్య ముఖం చూసి వదిలేసానని మహేంద్ర అంటాడు. కొడుకుని కాపాడమని బతిమిలాడుతుంది దేవయాని. రిషి ఎక్కడున్నాడో చెప్తే శైలేంద్ర ని ఏం చేయకుండా, మహేంద్ర ని తాను అడ్డుకుంటానని చెప్తుంది.

రిషి ఎక్కడున్నాడో శైలేంద్ర కి తెలియదని, పోనీ మీకు తెలుసా అని ధరణి అడుగుతుంది. నాకు తెలియదని తడబడుతుంది. అయితే, మీరే మీ కొడుకుని కాపాడుకోమని చెప్తుంది. భర్త చనిపోతే నీ పసుపు కుంకుమలు పోతాయని దేవయాని అంటుంది. ధరణి సైలెంట్ గా ఉంటుంది. చివరగా రిషి ఎక్కడున్నాడో చెప్పమని మహేంద్ర అంటాడు. ఈసారి చెప్పకపోతే షూట్ చేస్తానని అంటాడు.

వసుధారా చెప్తే వింటాడని, తనకి ఫోన్ చేస్తుంది. కానీ మహేంద్ర వినడు. శైలేంద్ర ని చంపిన తర్వాత, ఇక్కడ నుండి కదులుతానని శైలేంద్రని కాల్చి పడేస్తే, అందరి జీవితాలు బాగుపడతాయని, ఈ విషయంలో ఎవరి మాట విననని ఫోన్ కట్ చేస్తాడు. రిషి ఎక్కడున్నాడో చెప్పకపోయినా, నిన్ను క్షమించను అని, చంపి తీరుతానని అంటాడు. తెలివిగా గన్ ని కింద పడేసి రూమ్ నుండి పారిపోతాడు శైలేంద్ర. అయినా శైలేంద్రని పట్టుకుని షూట్ చేస్తాడు మహేంద్ర.