Bigg Boss 5 : బిగ్‌బాస్ తెలుగు సీజ‌న్ 5 ఎంతో ఉత్కంఠ‌గా కొన‌సాగుతోంది. ఫినాలె దగ్గ‌ర ప‌డుతుండ‌డంతో ఎవ‌రు ఇంట్లో ఉంటారు, ఎవ‌రు ఎలిమినేట్ అవుతారు, ఎవ‌రు టాప్ 5 లో నిలుస్తారు.. అన్న ఉత్కంఠ ప్రేక్ష‌కుల్లో రోజు రోజుకీ పెరిగిపోతోంది. ఇక తాజాగా ఎలిమినేష‌న్ ప్రక్రియ కూడా అంతే ఉత్కంఠ‌గా సాగింది. లీకు వీరుల ద్వారా ఈ వారం ఎలిమినేట్ అయ్యేది ఎవ‌రో ముందుగానే తెలిసిపోయింది. అనుకున్న‌ట్లుగానే ప్రియాంక సింగ్ అలియాస్ పింకీ ఈ వారం ఎలిమినేట్ అయింది. ఈ క్ర‌మంలోనే 13 వారాల పాటు ఆమె హౌస్‌లో సంద‌డి చేసింది.
బిగ్ బాస్ తెలుగు సీజ‌న్ 5 లో ప్రియాంక సింగ్ ప్ర‌త్యేక కంటెస్టెంట్‌గా పాల్గొంది. ట్రాన్స్‌జెండ‌ర్‌గా అంద‌రినీ ఆక‌ట్టుకుంది. ఆమె మాన‌స్‌తో న‌డిపిన లవ్ ట్రాక్ అక్క‌డ‌క్క‌డా బోర్ కొట్టించినా.. ఓవ‌రాల్‌గా చూస్తే ఆమెది నిజ‌మైన ప్రేమ అని స్ప‌ష్ట‌మ‌వుతుంది. అయితే అది బిగ్ బాస్‌కే ప‌రిమితం అవుతుందా.. బ‌య‌ట‌కి వచ్చాక అలాగే ఉంటుందా.. అన్న‌వివ‌రాలు తెలియాల్సి ఉంది.
ఇక ప్రియాంక 13 వారాల పాటు బిగ్ బాస్ ఇంట్లో ఉండ‌గా.. ఆమెకు వారానికి రూ.2 ల‌క్ష‌ల చొప్పున మొత్తం 13 వారాల‌కు రూ.26 ల‌క్ష‌ల మేర చెల్లించార‌ని తెలుస్తోంది. ఈ క్ర‌మంలోనే ఆమె బిగ్‌బాస్‌లో పాల్గొని ఎంతో మంది అభిమానుల‌ను సైతం సొంతం చేసుకుంద‌ని చెప్ప‌వ‌చ్చు. నిజానికి టాప్ 5లో ప్రియాంక ఉంటుంద‌ని భావించారు. కానీ ఈ వారం ఆమెకు ఓట్లు త‌క్కువ ప‌డినందునే ఆమె ఎలిమినేట్ అయింద‌ని తెలుస్తోంది.
ఇక బిగ్ బాస్ ఇంట్లో ప్రియాంక అంద‌రితోనూ చ‌నువుగా ఉంటూ స‌ర‌దాగా మాట్లాడింది. అంద‌రికీ వంట చేసి పెట్టింది. అంద‌రికీ స‌హాయం చేసింది. ఈ క్ర‌మంలోనే ఆమె ఇంటి నుంచి వెళ్లిపోతూ భావోద్వేగానికి గురై ఏడ్చేసింది.
