పెళ్లిలో నుదిటిపై బాసింగం పెట్టడానికి గల కారణం ఏమిటో తెలుసా?

మన భారతీయ సాంప్రదాయాల ప్రకారం కొన్ని కార్యక్రమాలను ఎంతో సాంప్రదాయబద్ధంగా నిర్వహిస్తుంటారు. అయితే పెద్దవారు ఈ విధమైనటువంటి ఆచారవ్యవహారాలను పాటించడం వెనుక ఎంతో శాస్త్రీయ పరమైన కారణాలు కూడా ఉంటాయి. ఈ విధమైనటువంటి ఆచారాలను పెళ్లి కార్యక్రమాలలో ఎక్కువగా పాటిస్తుంటారు. పెళ్లిలో జరిగే ప్రతి వేడుకను ఎంతో సాంప్రదాయబద్దంగా నిర్వహిస్తుంటారు. అయితే పెళ్లిలో వరుడు వధువుకి నుదిటి పై బాసింగం కడతారు. ఈ విధంగా కట్టడానికి గల కారణాలు ఏమిటో చాలా మందికి తెలియదు. మరి ఆ కారణాలు ఏమిటో ఇక్కడ తెలుసుకుందాం…

పెళ్లిలో నుదుటిపై బాసింగం కట్టడం వెనక ఆధ్యాత్మికంగా మాత్రమే కాకుండా ఆరోగ్యపరంగా ఎన్నో ప్రయోజనాలు ఉన్నాయి. మన మానవ శరీరంలో సుమారు కొన్ని వేల నాడులు ఉన్నాయి. ఈ నాడులో 14 నాడులు ఎంతో ముఖ్యమైనవి.ఈ 14 నాడులు శరీరం ఉత్తేజంగా వుంచడానికి సహాయపడతాయి. ఇడ, పింగల,సుషుమ్మ, అనేవి ఎంతో ముఖ్యమైనవి.సుషుమ్మ, కుడి పక్కన సూర్యనాడి ఎడమ పక్కన చంద్రనాడి ఉంటాయి.

ఈ రెండు నాడులు నుదిటి పై అర్ధచంద్రాకారంలో ఉంటాయి. అయితే వివాహ సమయంలో వీటిపై ఎవరి దృష్టి పడకుండా బాసింగం కడతారు. ఈ బాసింగాలు చతురస్రాకారం, త్రిభుజాకారంలో ఉంటాయి. అదేవిధంగా నుదిటిపై బ్రహ్మదేవుడు కూడా కొలువై ఉంటారని ఎక్కువగా విశ్వసిస్తారు.అదేవిధంగా పెళ్లికి వచ్చిన అతిథుల దృష్టి వరుడు వధువు పై పడుతుంది. అయితే కొందరి నర దృష్టి వీరిపై పడకుండా బ్రహ్మ స్థానంలో బాసింగం కట్టడం ఆచారంగా వస్తోంది.