Navagraha : నవగ్రహ దోషాలు పోవాలంటే ఇలా చేయండి.. సమస్యలన్నీ పోతాయి..!

Navagraha : మన హిందూ ధర్మంలో జ్యోతిష్యానికి ఉన్న ప్రాధాన్యత ఇంతా అంతా కాదు. అత్యంత ప్రాధాన్యతమైనది జ్యోతిష్యం. వీటిలో నవగ్రహాల పాత్ర చాలా ముఖ్యమైనది. పుట్టినప్పుడు గ్రహ స్థితిని బట్టి, మనిషి యొక్క స్థితిగతులని చెబుతారు. దోషాలు ఉంటే పరిహారాలని తెలుసుకుని వాటికి తగ్గట్టుగా అనుసరించేవారు. గ్రహాలలో మొదటిది సూర్యుడు. రవి గ్రహ దోషం కనుక ఉంటే గోధుమపిండి, గోధుమ రొట్టె, కాషాయ వస్త్రాలని, రాగి, రాగి జావని, మిరియాలను దానం చేస్తే మంచిది. అదే చంద్రగ్రహ దోషం ఉంటే అన్నదానం, పాలు, నీళ్లు, బియ్యం, తెల్లని వస్త్రాలు, వెండి వస్తువులను దానం చేస్తే మంచిది.

అలానే వివాహానికి సంతానానికి ప్రధానమైన గ్రహం కుజుడు. కుజ దోషం ఉంటే కందిపప్పు, పచ్చి ఖర్జూరం, బెల్లం, వస్త్రాలు, మిరపకాయలు, వ్యవసాయానికి సంబంధించిన పనిముట్లు వంటివి ఇస్తే మంచిది. శుక్రుడుతో కలిసిన సోదరికి వస్త్రాభరణాలు ఇస్తే కూడా మంచిది. బుధ గ్రహ దోషం ఉంటే.. ఆకుపచ్చని వస్త్రాలు, పెసరపప్పు, ఆకుకూరలు, కూరగాయలు, విద్యార్థులకు విద్యకి సంబంధించిన వస్తువులని, ఆవులకి పచ్చగడ్డి వంటి విధానం చేస్తే మంచిది.

అదే గురు గ్రహదోషం ఉంటే తీయటి పదార్థాలు, శనగలు, గుగ్గిళ్ళు, పండ్లు వంటివి ఇస్తే మంచిది. పసుపు రంగు వస్త్రాలని, తీయని పానీయాలని, బఠానీలని కూడా దానం చేయొచ్చు. శుక్ర గ్రహ దోషము ఉంటే స్త్రీలకి సంబంధించిన బొట్టు బిళ్ళలు, జడ పిన్నులు, గోరింటాకు, గోళ్ళ రంగు, అద్దం, దువ్వెన, పౌడరు, పూలు, డ్రై ఫ్రూట్స్, రంగురంగుల దుస్తులు, డ్రై ఫ్రూట్స్ ఇవన్నీ దానం చేయొచ్చు.

శని గ్రహ దోషము ఉంటే నువ్వులు నూనె, ఇనుము, నీలం బట్టలు, సిమెంట్ వంటివి దానం చేయొచ్చు. రాహు గ్రహ దోషము ఉంటే మినప సున్నుండలు, ఇడ్లీలు, మినప గారెలు వంటివి దానం చేస్తే మంచిది, కేతు గ్రహదోషము ఉంటే పక్షులకి, చేపలకి ఆహారం పెట్టడం.. పశువులకు ఆహారం పెట్టడం, ఉలవల పొడిని ఆవులకి పెట్టడం వంటివి చేస్తే మంచిది. ఇలా గ్రహ దోషాలను బట్టి, ఆచరించి దోషాల నుండి బయటపడొచ్చు.