శనీశ్వరునికి ఇంట్లో పూజలు చేయవచ్చా ?

సాధారణంగా శనీశ్వరుని పేరు వినగానే మనసులో కొంత మేర భయం పుడుతుంది.శని ప్రభావం ఒక్కసారి మన పై పడితే శని ప్రభావం నుంచి కోలుకోవడం కష్టం కనుక శనీశ్వరుని విషయంలో ప్రతి ఒక్కరు ఎంతో జాగ్రత్తగా వ్యవహరిస్తారు. శనీశ్వరునికి పూజలు చేయటం నుంచి మొదలుకొని ప్రతి ఒకటి ఎంతో జాగ్రత్తగా పాటిస్తారు. మరికొందరు శనీశ్వరుని ఆలయానికి వెళ్లడానికి కూడా ఇష్టపడరు. కానీ కొందరికి మాత్రం శనీశ్వరుని ఫోటోను ఇంట్లో ఉంచుకుని పూజలు చేయవచ్చా? చేస్తే ఎలాంటి ఫలితాలు ఉంటాయి అనే సందేహాలు వ్యక్తమవుతున్నాయి.

ఆధ్యాత్మిక పండితులు చెప్పిన ప్రకారం మన ఇంట్లో శనీశ్వరుని ఫోటోలు పెట్టుకుని పూజలు చేయకూడదని చెబుతున్నారు. కేవలం శనీశ్వరుని ఫోటోలు మాత్రమే కాకుండా నవగ్రహాల ఫోటోలను మన ఇంట్లో ఉంచుకొని పూజ అస్సలు చేయకూడదు అని చెబుతున్నారు. నవగ్రహాలు అనేవి ఆయా దేవుడు చెప్పిన పనులను చేయటానికి మాత్రమే ఉంది కనుక నవగ్రహాలను మన ఇంట్లో ఉంచుకొని పూజ చేయకూడదు.

నవగ్రహాలు కేవలం ఆలయాలలో మాత్రమే ఉంటాయి ఆయా గ్రహ దోష పరిహారం నిమిత్తం పండితులు నవగ్రహాలకు ఆలయాలలోని పూజలు చేయాలని చెబుతారు కానీ ఇంట్లో నవగ్రహాలకు పూజలు చేయకూడదు. ముఖ్యంగా శనీశ్వరుని ఫోటోలను మన ఇంట్లో ఉంచుకుని పూజ అస్సలు చేయకూడదు. అలా చేయడం వల్ల శని ప్రభావం మన కుటుంబం పై అధికంగా ఉంటుంది.