కోవిడ్ మొద‌టి వేవ్ నుంచి ఇప్ప‌టికీ న‌టుడు సోనూసూద్ ప్ర‌జ‌ల‌కు స‌హాయం చేస్తూనే ఉన్నాడు. స‌హాయం కోసం వ‌చ్చిన వారిని కాద‌నకుండా, లేద‌న‌కుండా ఆదుకుంటున్నాడు. ఇక పేద‌ల‌కు స‌హాయం చేయ‌డం కోసం సోనూసూద్ ఏకంగా త‌న ఆస్తుల‌నే తాక‌ట్టు పెట్టాడు. దీంతో సోనూసూద్ కు పెద్ద ఎత్తున ఫ్యాన్స్ ఏర్ప‌డ్డారు. సోనూసూద్ రీల్ లైఫ్‌లో విల‌న్ పాత్ర‌ల‌ను పోషించినా రియ‌ల్ లైఫ్‌లో మాత్రం స్టార్ హీరో అని ఆయ‌న అభిమానులు ఆయ‌న‌ను పొగుడుతున్నారు.
ఇక సోనూసూద్ తాజాగా ఓ మీడియా సంస్థ‌కు ఇచ్చిన ఇంట‌ర్వ్యూలో అనేక విష‌యాల‌ను వెల్ల‌డించారు. తాను సామాజిక సేవా కార్య‌క్ర‌మాల‌ను చేస్తూనే మ‌రోవైపు సినిమాల్లోనూ న‌టిస్తున్నాన‌ని తెలిపారు. గ‌తంలో క‌న్నా ఇప్పుడు సినిమా ఆఫ‌ర్లు భారీగానే వ‌స్తున్నాయ‌ని, అయితే అన్ని సినిమాల్లోనూ న‌టించ‌లేను క‌నుక త‌న‌కు ఆస‌క్తిగా అనిపించిన సినిమాల్లోనే న‌టిస్తున్నాన‌ని తెలిపారు. సామాజిక సేవా కార్య‌క్రమాలు అలాగే కొన‌సాగుతాయ‌ని, స‌హాయం కోసం వ‌చ్చిన వారిని క‌చ్చితంగా ఆదుకుంటామ‌ని స్ప‌ష్టం చేశారు.
ఇక ప్ర‌స్తుతం కోవిడ్ ప‌రిస్థితులు మ‌ళ్లీ త‌గ్గుతున్నాయి క‌నుక సినిమాల‌పై ఫోక‌స్ పెట్టాన‌ని సోనూసూద్ తెలిపాడు. అయినప్పటికీ సామాజిక సేవా కార్య‌క్ర‌మాల‌ను ఆపేది లేద‌న్నాడు. తాను త‌న త‌ల్లిదండ్రుల నుంచి సేవాభావాన్ని అల‌వ‌ర్చుకున్నాన‌ని తెలిపాడు. తాను ఒక సాధార‌ణ వ్య‌క్తినేన‌ని అన్నాడు. త‌న ఫౌండేషన్‌లో ప్ర‌స్తుతం దేశ వ్యాప్తంగా 400 మంది ప‌నిచేస్తున్నార‌ని, వారు అవ‌స‌రం ఉన్న‌వారికి స‌హాయం అందిస్తున్నార‌ని తెలియ‌జేశాడు.
కాగా సోనూసూద్ కోవిడ్ మొద‌టి వేవ్‌లో దేశ‌వ్యాప్తంగా ఉన్న వ‌ల‌స కార్మికుల‌ను రైళ్లు, బ‌స్సులు, విమానాలు, ఇత‌ర వాహ‌నాల్లో సొంత గ్రామాల‌కు త‌ర‌లించేందుకు ఎంతో స‌హాయం చేశాడు. త‌రువాత ఆర్థిక స‌మ‌స్య‌ల‌తో స‌త‌మ‌తం అవుతున్న‌వారికి అండ‌గా నిలిచాడు. ఇప్పుడు అనేక హాస్పిట‌ళ్ల వ‌ద్ద ఆక్సిజ‌న్ ప్లాంట్ల‌ను ఏర్పాటు చేసి బాధితుల‌కు ఆక్సిజ‌న్‌ను అందిస్తున్నాడు. నిజంగా సోనూసూద్ రియ‌ల్ హీరోనే క‌దా..!
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…