స్పోర్ట్స్ బైక్ చేతిలో ఉంటే చాలు.. యువ‌కులు వాటితో స్టంట్స్ చేసేందుకు ఆస‌క్తిని చూపిస్తుంటారు. అయితే అంతా బాగానే జ‌రిగితే ఓకే. లేదంటే ఇబ్బందుల్లో ప‌డిపోతారు. స్టంట్ స‌క్సెస్ అయితే బాగానే ఉంటుంది. కానీ ఫెయిల్ అయితే అందుకు మూల్యం చెల్లించుకోవాల్సి వ‌స్తుంది. ఇక ఓ యువ‌కుడికి కూడా ఇలాగే జ‌రిగింది.
ఓ యువకుడు వ‌రద నీటితో నిండిన రోడ్డుపై తన బైక్ తో స్టంట్ చేశాడు. దాని ముందు చ‌క్రాన్ని గాలిలోకి లేపి స్టంట్‌కు య‌త్నించాడు. అయితే కొద్ది దూరం వ‌ర‌కు బాగానే వ‌చ్చాడు. కానీ వాహ‌నం అదుపు త‌ప్పింది. దీంతో ప‌క్క‌నే ఉన్న గోడ‌ను ఢీకొట్టాడు. అందులో గోడ ధ్వంస‌మ‌వ‌డం చూడ‌వచ్చు. బైక్ స్టంట్ ఫెయిల్ అయినందుకు అత‌ను అలా మూల్యం చెల్లించుకున్నాడు.
కాగా ఆ వీడియోను ఇన్‌స్టాగ్రామ్‌లో పోస్ట్ చేశారు. దీంతో ఆ వీడియో వైరల్ గా మారింది. చాలా మంది ఆ వీడియోను చూసి ర‌కర‌కాల కామెంట్లు పెడుతున్నారు.
