మృత్యువు మనకు ఎప్పుడు ఎలా సంభవిస్తుందో ఎవరికీ తెలియదు. మనకు చావు దగ్గర పడింది అంటే చీమ కుట్టిన చనిపోతారనేది వాస్తవం. అంత వరకు ఎంతో సంతోషంగా గడిపిన ఆ కుర్రాడిని చావు పలకరించడంతో ఒక్కసారిగా విషాద ఛాయలు అలుముకున్న ఘటన బెంగళూరులో చోటు చేసుకుంది. పూర్తి వివరాల్లోకి వెళితే..
పరప్పన అగ్రహార ప్రాంతానికి చెందిన దినేష్ అనే యువకుడు పుట్టినరోజు వేడుకలకు బెలూన్లు సప్లయ్ చేస్తుంటాడు. ఈ క్రమంలోనే తాను నివసిస్తున్న ప్రాంతంలో దినేష్ కు ఓ ఆర్డర్ వచ్చింది. బర్త్ డే పార్టీకి 200 బెలూన్లు ఆర్డర్ రావడంతో 100 బెలూన్లను పంపిన దినేష్.. మరో వంద బెలూన్లతో బర్తడే జరిగే ఇంటిని డెకరేషన్ చేయాలని భావించాడు. అయితే గత కొన్ని సంవత్సరాల నుంచి తనను నమ్ముకున్న పని తన ప్రాణాలు తీస్తుందని కలలో కూడా ఊహించలేదు.
ఈ క్రమంలోనే దినేష్, అతని అసిస్టెంట్ మహదేష్ బర్త్ డే పార్టీ జరిగే అపార్ట్మెంట్ పార్కింగ్‌లో ఉండి బెలూన్లలో గాలి నింపుతున్నారు. అప్పటికి కొన్ని బెలూన్లను నింపి డెకరేషన్ చేశారు. ఈ క్రమంలోనే మహా దేశ్ నీళ్ళు తాగడానికి అపార్ట్మెంట్ లోపలికి వచ్చాడు.అక్కడ నీళ్లు తాగి తన స్నేహితుడు దినేష్ కు నీళ్లు తీసుకుపోయేలోగా సిలిండర్ పేలి దినేష్ మృతిచెందడంతో మహాదేవ్ కన్నీరుమున్నీరయ్యారు. దినేష్ ఎల్లప్పుడు కృత్రిమ రసాయనాలతో ఆ సిలిండర్ నింపే వాడు.అయితే ఈ విధంగా సిలిండర్ పేలడంతో దినేష్ అక్కడికక్కడే మృతి చెందడంతో , అప్పటివరకు పుట్టినరోజు వేడుకలతో ఎంతో సంతోషంగా ఉన్న ప్రాంతంలో ఒక్కసారిగా విషాదఛాయలు అలుముకున్నాయి.
