Ileana : దేవదాసు చిత్రం ద్వారా తెలుగు తెరకే కాదు.. సినీ ఇండస్ట్రీకి కూడా పరిచయం అయింది.. గోవా బ్యూటీ ఇలియానా. తరువాత సూపర్‌ స్టార్‌ మహేష్‌ పక్కన పోకిరి సినిమాలో నటించింది. దీంతో ఇల్లీ బేబీ దశ తిరిగిపోయింది. వరుస ఆఫర్లు వచ్చాయి. ఆ తరువాత అనేక చిత్రాల్లో నటించింది. తెలుగు, తమిళంతోపాటు హిందీలోనూ పలు సినిమాల్లో నటించింది. అయితే ఈ అమ్మడు లవ్‌లో పడి సినిమాలను పట్టించుకోలేదు. దీంతో లవ్‌ బ్రేకప్‌ అయ్యాక.. చేయడానికి పనిలేదు. ఈ క్రమంలోనే ఈమె డిప్రెషన్‌లోకి వెళ్లిపోయింది. తరువాత ఎలాగో దాని నుంచి బయట పడి మళ్లీ సినిమాలు చేయడం మొదలు పెట్టింది. కానీ ఆమెలో మునుపటి గ్లామర్‌ లేదు. పైగా లావుగా అయింది. దీంతో ఆమెకు ఆఫర్లు అంతగా రాలేదు. ఒకటి రెండు సినిమాల్లో నటించినా.. అవి ఫ్లాప్ అయ్యాయి. ఈ క్రమంలోనే ఇలియానా సినిమా కెరీర్‌ ఇక ముగిసినట్లే అని తెలుస్తోంది.
అయితే ఇలియానా ఈ మధ్య కాలంలో సోషల్‌ మీడియాలో ఎంతో యాక్టివ్‌గా ఉంటోంది. తన గ్లామరస్‌ ఫొటోలను ఆమె అందులో షేర్‌ చేస్తోంది. కాగా ఈమె గతంలో బరువు ఎక్కువగా ఉండగా.. ఇప్పుడు మళ్లీ సన్నగా మారింది. ఈ క్రమంలోనే వెకేషన్స్‌ ని ఎంజాయ్‌ చేస్తూ బికినీ ఫొటోలను పోస్ట్‌ చేస్తోంది. ఆ ఫొటోలు చూసి యువత పిచ్చెక్కిపోతున్నారు. అయితే ఇలియానా తాజాగా పసుపు రంగు డ్రెస్‌ ధరించి ఫొటోలకు పోజులు ఇచ్చింది. కానీ ఈ ఫొటోల్లో ఆమెను చూస్తే అసలు గుర్తు పట్టలేకుండా ఉంది. ఒక్కసారిగా చూస్తే అసలు ఈమె ఇలియానాయేనా.. అనిపిస్తోంది. అంతలా ఈ ముద్దుగుమ్మ మారిపోయింది. దీంతో ఇలియానా కొత్త లుక్‌ చూసి నెటిజన్లు షాకవుతున్నారు. ఇక ఈమె లేటెస్ట్‌ ఫొటోలు వైరల్‌ అవుతున్నాయి. ఈ క్రమంలోనే అసలు ఆమెకు ఏమైంది.. అని ఆరా తీస్తున్నారు.
ఇక సినిమాల విషయానికి వస్తే ఈమె చివరిసారిగా ది బిగ్‌ బుల్‌ అనే మూవీలో నటించింది. ఈమె హిందీలో రెండు సినిమాలు చేస్తోంది. అన్ ఫెయిర్ అండ్‌ లవ్లీ అనే చిత్రం షూటింగ్‌ పూర్తి కాగా.. ఇంకో మూవీలోనూ నటిస్తోంది. ఇవి త్వరలో విడుదల కానున్నాయి.
