Pooja Hegde : వరుస స‌క్సెస్‌లు అందుకుంటూ స్టార్ హీరోయిన్‌గా పేరు తెచ్చుకున్న అందాల ముద్దుగుమ్మ పూజా హెగ్డె. బుట్టబొమ్మ పూజా హెగ్డెకి కెరీర్ ఆరంభంలో పెద్దగా హిట్లు రాకున్నా వరుస పెట్టి సినిమాల మీద సినిమాలు చేసిన ఈ భామ.. ఫామ్‌లోకి వచ్చిన తర్వాత మాత్రం వెనుదిరిగి చూడకుండా దూసుకెళ్తోంది. తెలుగులోనే కాదు.. దక్షిణాది, ఉత్తరాది భాషల్లోనూ నటిస్తూ హవాను చూపిస్తోంది. నేష‌న‌ల్ క్ర‌ష్‌గా మారిన పూజా హెగ్డె ఒక‌వైపు తన న‌ట‌న‌తోపాటు అంద‌చందాల‌తోనూ అల‌రిస్తోంది. సోష‌ల్ మీడియాలో యాక్టివ్‌గా ఉండే ఈ భామ అందాలు ఆర‌బోస్తూ నానా ర‌చ్చ చేస్తుంటుంది.
తాజాగా పూజా హెగ్డె.. తన లేటెస్ట్ ఫోటోలను ఇన్‌స్టాగ్రామ్‌లో పంచుకుంది. డెనిమ్‌ జీన్స్ తరహా పొట్టి డ్రెస్‌లో హోయలు పోయింది. మోకాళ్లపైకి ఉన్న గౌన్‌లో అందాల విందు చేస్తూ కుర్ర‌కారుకి కంటిపై నిద్ర లేకుండా చేస్తోంది. ఉప్పొంగే ఎద ఎద అందాలు, కనువిందు చేసే హాట్‌ థైస్‌తో పూజా కుర్రాళ్లకి విజువల్‌ ట్రీట్‌నిచ్చిందని అంటున్నారు నెటిజన్లు. స్పెషల్ ట్రీట్‌ అదిరిపోయిందంటూ సంబరపడుతున్నారు. పండగ చేసుకుంటున్నారు. ఆ మ‌ధ్య మాల్దీవులకి వెళ్లిన ఈ ముద్దుగుమ్మ ఏకంగా బికినీలో సందడి చేసిన విష‌యం తెలిసిందే.
పూజా హెగ్డె టీనేజ్‌లోనే మోడలింగ్ రంగంలోకి అడుగు పెట్టింది. అక్కడ తన అందచందాలతో సందడి చేసి ఫేమస్ అయింది. అప్పుడే మూగమూడి అనే తమిళ సినిమాతో హీరోయిన్‌గా పరిచయమైంది. తర్వాత వరుణ్ తేజ్ నటించిన ముకుందతో టాలీవుడ్‌లోకి వచ్చింది. ఆ తర్వాత నాగ చైతన్యతో ఒక లైలా కోసం చేసింది. ఇవి మాత్రం ఆమెకు నిరాశనే మిగిల్చాయి. చాలా కాలం పాటు హిట్ కోసం వేచి చూసిన పూజా హెగ్డె అరవింద సమేత.. వీరరాఘవతో సక్సెస్ ట్రాక్ ఎక్కింది. అక్కడ నుండి మహర్షి, గద్దలకొండ గణేష్, అల.. వైకుంఠపురములో, మోస్ట్ ఎలిజిబుల్ బ్యాచ్‌లర్.. వంటి హిట్లను అందుకుంది. దీంతో టాలీవుడ్‌లో హవాను చూపిస్తోంది. ఇప్ప‌టికే ఈ అమ్మ‌డి ఖాతాలో చాలా పెద్ద సినిమాలు ఉన్నాయి.
