Samantha : నాగచైతన్యతో విడాకులు తీసుకుంటున్నట్లు ప్రకటించినప్పటి నుంచి సమంత తన కెరీర్లో దూసుకుపోతోంది. వరుస సినిమాలు చేయడమే కాకుండా ఐటమ్ సాంగ్లలోనూ నటించగలనని నిరూపించింది. అలాగే పలు కంపెనీలకు చెందిన ఉత్పత్తులను ప్రమోట్ చేయడంలోనూ ముందుంది. ఈ క్రమంలోనే సమంత ఎప్పటి కప్పుడు సోషల్ మీడియాలో పలు బ్రాండ్ల ఉత్పత్తులకు చెందిన పోస్టులు పెడుతూ రెండు చేతులా సంపాదిస్తోంది.
సమంత తాజాగా క్రిప్టో యాప్కి బ్రాండ్ అంబాసిడర్గా మారింది. ఇందులో చిన్న చిన్న పెట్టుబడులు పెట్టి భారీగా డబ్బులు సంపాదించవచ్చని చెప్పింది. గతేడాది 2021లో క్రిప్టో కరెన్సీలో చాలా మంది పెట్టుబడులు పెట్టారు. 2022లోనూ క్రిప్టో కరెన్సీలో చాలా మంది పెట్టుబడులు పెట్టే అవకాశం ఉందని అంటున్నారు. ఈ క్రమంలోనే క్రిప్టో కరెన్సీ మార్కెట్కు మంచి ఆదరణ లభిస్తోంది.
కాగా సమంత తన పోస్ట్లో క్రిప్టో యాప్ లో పెట్టుబడులు పెట్టాలని చెప్పింది. కాయిన్ స్విచ్ అనే కంపెనీకి చెందిన కుబేర్ అనే యాప్లో బిట్ కాయిన్ కొనవచ్చని తెలిపింది. బరువు తగ్గాలనుకునేవారు జిమ్లో సాధన చేయడం మొదలు పెట్టినప్పుడు ఎలాగైతే చిన్న చిన్నగా బరువులు ఎత్తుతారో అలాగే క్రిప్టో యాప్లోనూ కనీసం రూ.100తో క్రిప్టో కరెన్సీని కొనుగోలు చేయవచ్చని, ఆర్థికంగా స్థిరపడాలని అనుకునేవారు మంచి మార్గంలో పెట్టుబడులు పెట్టాలని సమంత సూచించింది.
View this post on Instagram
ఇక సదరు యాప్లో రిజిస్టర్ చేసుకుంటే రూ.200 విలువైన బిట్ కాయిన్ను ఉచితంగా పొందవచ్చని, బిట్ కాయిన్ గురించి ఏమీ తెలియకపోయినా ఆ యాప్ కు చెందిన యూట్యూబ్ చానల్స్, బ్లాగ్స్లో చూసి తెలుసుకోవచ్చని సమంత తెలియజేసింది. ఇక ఈ యాడ్ను సమంత జిమ్లో చేసినట్లు స్పష్టమవుతోంది. ఇందులో భాగంగా ఆమె అందాలన్నీ ఆరబోస్తూ ఈ యాప్కు ప్రచారం చేయడం విశేషం.