Pushpa 2 Movie : గడిచిన 2021 ఏడాదికి గాను పుష్ప – ది రైజ్ మూవీ బిగ్గెస్ట్ గ్రోసర్గా నిలిచింది. ఈ మూవీకి హిందీలో పెద్దగా ఎక్స్పెక్టేషన్స్ లేవు. అయినప్పటికీ అక్కడ సర్ ప్రైజ్ హిట్ సాధించింది. ముఖ్యంగా మాస్ ప్రేక్షకులు ఈ మూవీకి బాక్సాఫీస్ వద్ద బ్రహ్మరథం పట్టారు. ఈ మూవీ తమిళం, మళయాళం, కన్నడ వెర్షన్లలోనూ విడుదలై హిట్ టాక్ను సొంతం చేసుకుంది. అయితే ఓ వైపు ఇంకా పుష్ప మొదటి పార్ట్ సక్సెస్ను మరిచిపోకముందే పుష్ప 2 మూవీ గురించి పెద్ద ఎత్తున చర్చ నడుస్తోంది.
తాజాగా అందుతున్న సమాచారం ప్రకారం బాలీవుడ్కు చెందిన ఓ ప్రముఖ ప్రొడక్షన్ హౌజ్ పుష్ప మేకర్లకు భారీ డీల్ ఆఫర్ చేసినట్లు తెలుస్తోంది. పుష్ప 2 అన్ని భాషలకు చెందిన థియేటర్, ఓటీటీ, శాటిలైట్ హక్కులకు గాను ఏకంగా రూ.400 కోట్లు చెల్లిస్తామని ఆఫర్ ఇచ్చినట్లు సమాచారం. గతంలో ఏ మూవీకి ఈ రకమైన ఆఫర్ రాలేదు. దీంతో ఈ ఆఫర్ భలే టెంప్టింగ్గా ఉందని పలువురు అంటున్నారు.
అయితే ఆ ఆఫర్ను మైత్రి మూవీ మేకర్స్ వారు సున్నితంగా తిరస్కరించినట్లు తెలుస్తోంది. పుష్ప 2 మూవీ ఇంకా పెద్ద హిట్ అవుతుందని, హిందీ మార్కెట్ ఓపెనింగ్స్ను కొల్లగొడుతుందని భావిస్తున్నారు. ఈ మూవీ తమిళనాడు, కర్ణాటక, కేరళలోనూ మంచి విజయం సాధించింది. అక్కడ అల్లు అర్జున్ కు ఫ్యాన్స్ భారీగానే ఉన్నారు. ఈ క్రమంలోనే పుష్ప 2 సక్సెస్ అవుతుందని మేకర్స్ ధీమాను వ్యక్తం చేస్తున్నారు.
ఇక హిందీలోనూ పుష్ప 2 మూవీ మంచి విజయం సాధించడం ఖాయమని అంచనా వేస్తున్నారు. ఇప్పటికే పుష్ప మొదటి పార్ట్ భారీ హిట్గా నిలిచింది. దీంతో రెండో పార్ట్ మరింత సులభంగా విజయం సాధిస్తుందని అంటున్నారు. ఈ క్రమంలోనే మేకర్స్ ప్రస్తుతం రెండో పార్ట్ను చిత్రీకరించే పనిలో పడ్డారు.
దర్శకుడు సుకుమార్ ఇటీవల ఓ సందర్భంలో మాట్లాడుతూ.. పుష్ప 2 మూవీపై భారీ అంచనాలు ఉన్నాయని తెలిపారు. మరి పుష్ప 2 ప్రేక్షకులను ఏ విధంగా అలరిస్తుందో చూడాలి.