Vivo Y21T : మొబైల్స్ తయారీదారు వివో.. వై21టి పేరిట ఓ నూతన స్మార్ట్ ఫోన్ను భారత్లో విడుదల చేసింది. ఇందులో అనేక ఆకట్టుకునే ఫీచర్లను అందిస్తున్నారు. ధర కూడా తక్కువగానే ఉండడం విశేషం. వై సిరీస్లో వచ్చిన లేటెస్ట్ ఫోన్ ఇదే కాగా.. ఇందులో అందిస్తున్న ఫీచర్ల వివరాలు ఇలా ఉన్నాయి.
వివో వై21టి స్మార్ట్ ఫోన్లో 6.58 ఇంచుల ఫుల్ హెచ్డీ ప్లస్ రిజల్యూషన్ కలిగిన డిస్ప్లేను ఏర్పాటు చేశారు. దీనికి 90 హెడ్జ్ రిఫ్రెష్ రేట్ను అందిస్తున్నారు. ఈ ఫోన్లో ఆక్టాకోర్ స్నాప్డ్రాగన్ 680 ప్రాసెసర్ ఉంది. 4జీబీ ర్యామ్ లభిస్తుంది. 128 జీబీ ఇంటర్నల్ స్టోరేజ్ ఉండగా.. మెమొరీని కార్డు ద్వారా 1 టీబీ వరకు పెంచుకునే ఆప్షన్ను ఇచ్చారు.
ఈ ఫోన్లో డ్యుయల్ సిమ్లు, ఒక మైక్రో ఎస్డీ కార్డు కోసం మొత్తం 3 స్లాట్లను ఇచ్చారు. ఆండ్రాయిడ్ 11 ఆపరేటింగ్ సిస్టమ్ లభిస్తుంది. వెనుక వైపు 50 మెగాపిక్సల్ ప్రధాన కెమెరాతోపాటు 2 మెగాపిక్సల్ డెప్త్ కెమెరా, మరో 2 మెగాపిక్సల్ మాక్రో కెమెరాలను అదనంగా ఇచ్చారు. ముందు వైపు 8 మెగాపిక్సల్ కెమెరా ఉంది.
ఫింగర్ ప్రింట్ సెన్సార్ పక్క వైపున ఉంటుంది. డ్యుయల్ 4జి వీవోఎల్టీఈ, డ్యుయల్ బ్యాండ్ వైఫై, బ్లూటూత్ 5.0, యూఎస్బీ టైప్ సి, 5000 ఎంఏహెచ్ భారీ బ్యాటరీ ఫీచర్లను ఈ ఫోన్లో అందిస్తున్నారు. దీనికి ఫాస్ట్ చార్జింగ్ సపోర్ట్ కూడా లభిస్తోంది.
వివో వై21 టి స్మార్ట్ ఫోన్ పెరల్ వైట్, మిడ్ నైట్ బ్లూ కలర్ ఆప్షన్లలో విడుదల కాగా.. ఈ ఫోన్ ధర రూ.16,490గా ఉంది. దీన్ని అన్ని ఆన్లైన్, ఆఫ్లైన్ స్టోర్స్లో విక్రయిస్తున్నారు.