Bigg Boss 5 : బుల్లితెర ప్రేక్ష‌కుల‌ని ఎంత‌గానో అల‌రిస్తున్న బిగ్ రియాలిటీ షో బిగ్ బాస్ సీజ‌న్ 5 కార్య‌క్ర‌మం చాలా ఎనర్జిటిక్‌గా సాగుతోంది. పండుగ‌ల సందర్భంగా ఈ షో నిర్వాహ‌కులు కార్యక్ర‌మాన్ని పెద్ద ఎత్తున నిర్వ‌హిస్తున్నారు. ద‌స‌రా సందర్భంగా మూడు గంట‌ల పాటు సాగిన ఎపిసోడ్‌లో ఫుల్ ఎంట‌ర్‌టైన్‌మెంట్ ద‌క్కింది. ఇక ఈ రోజు దీపావళి స్పెష‌ల్ ఎపిసోడ్ ప్ర‌సారం కానుంది.
దీపావళి సందర్భంగా బిగ్ బాస్ మేకర్స్ సర్ ప్రైజ్ గెస్ట్స్ తో వీక్షకులను అలరించబోతున్నారు. అత్యంత ఆశ్చర్యకరమైన విషయం ఏమిటంటే అర్జున్ రెడ్డి ఫేమ్ విజయ్ దేవరకొండ, ఆనంద్ దేవరకొండతో పాటు హీరోయిన్ శ్రియ, యాంక‌ర్ సుమ, దివి, అవినాష్, అరియానా, గాయని కల్పన, సోహెల్, ప‌లువురు బిగ్ బాస్ కంటెస్టెంట్స్ ఫుల్ ఎంట‌ర్‌టైన్‌మెంట్ అందించబోతున్నారు.
Diwali pandaga sambarallo ika thaggede le!
Let's celebrate it together!#BiggBossTelugu5 Diwali special today at 6 PM on #StarMaa #DiwaliWithStarMaa #FiveMuchFun with @iamnagarjuna @TheDeverakonda @ananddeverkonda @shriya1109 @avika_n_joy @ItsSumaKanakala & Others pic.twitter.com/JLTy0TqnNP
— Starmaa (@StarMaa) October 31, 2021
నేటి సాయంత్రం ఎపిసోడ్‌కి సంబంధించిన ప్రోమో తాజాగా విడుద‌లైంది. ఇందులో సుమ.. నాగార్జున‌పై వేసిన పంచ్‌లు, కల్పన సింగ‌ర్స్‌ని ఉద్దేశించి పాడిన పాట‌లు ఆక‌ట్టుకుంటున్నాయి. ప్రోమోని బ‌ట్టి చూస్తుంటే దీపావళి సందర్భంగా చాలా సర్‌ప్రైజ్‌లు ఉంటాయని తెలుస్తోంది. ఇక ఈ రోజు నామినేష‌న్ లో ఉన్న వారిలో లోబో హౌజ్ నుండి బ‌య‌ట‌కు వెళ్ల‌బోతున్న‌ట్టు తెలుస్తోంది.
