Bigg Boss 5 : బిగ్ బాస్ సీజన్ 5 కార్యక్రమం 19 మంది సభ్యులతో మొదలు కాగా, ప్రతి వారం ఒక్కో కంటెస్టెంట్స్ ఎలిమినేట్ అవుతున్నారు. అయితే నామినేషన్స్లో ప్రతి సారి ఎక్కువ మంది కంటెస్టెంట్లు ఉండడంతో ప్రక్రియ ఎంతో ఆసక్తికరంగా సాగుతోంది. ఈ క్రమంలోనే ఇప్పుడు ఏడో వారానికి సంబంధించి కాజల్, రవి, సిరి, ఆనీ, ప్రియ, శ్రీరామ్, జస్వంత్లు నామినేషన్స్లో ఉన్నారు. అలాగే వేటగాళ్లుగా ఉన్న శ్రీరామ్, జస్వంత్లు ఒక్కసారి బయటకు రాకపోవడంతో నేరుగా నామినేట్ అయ్యారు. వీరితోపాటు సీక్రెట్ రూంలో ఉన్న లోబో కూడా నామినేట్ అయ్యాడు. దీంతో ఈవారం నామినేషన్స్లో 8 మంది నిలిచారు.
ఎవరు ఎలిమినేట్ అవుతారా అని అందరు ఆసక్తికరంగా ఎదురు చూడగా, ప్రియ ఈ వారం ఎలిమినేట్ కానుందని ఇన్సైడ్ టాక్. చాలా సార్లు ప్రియ ఎలిమినేట్ అవుతుందని అందరూ భావించినా సేవ్ అవుతూ వచ్చింది. ఎట్టకేలకు ఈవారం ప్రియ ఆంటీని ఎలిమినేట్ చేశారు. అనీ మాస్టర్, లోబోలలో ఒకరు ఎలిమినేట్ అవుతారని అనుకుంటున్న సమయంలో ప్రియ ఎలిమినేట్ కావడం ఆశ్చర్యాన్ని కలిగిస్తోంది.
గత శనివారం జరిగిన ఎపిసోడ్లో లోబోను సీక్రెట్ రూమ్లోకి పంపించిన విషయం తెలిసిందే. ఆ సమయంలోనే హోస్ట్ అక్కినేని నాగార్జున.. నువ్వు వచ్చే వారానికి నేరుగా నామినేట్ అయ్యావు అని చెప్పాడు. అంటే.. ఈ వారం జరిగే నామినేషన్స్ టాస్కుతో సంబంధం లేకుండానే అతడు ఎలిమినేషన్ జోన్లోకి వెళ్లాడు. అతను ఎలిమినేట్ అవుతాడని అందరు అనుకున్నారు. కానీ ఈ సారి కూడా బతికి బట్టకట్టాడు. బిగ్ బాస్ అంటేనే కన్ఫ్యూజన్. ఎప్పుడు ఏం జరుగుతుందో ఎవరూ ఊహించలేరు. ఈ సారి ఎలిమినేషన్లోనూ అదే జరిగింది.