Allu Arjun : తెలుగు సినిమా అభిమానులు ఆసక్తిగా ఎదురు చూస్తున్న సినిమాల్లో అల్లు అర్జున్ నటిస్తున్న పుష్ప కూడా ఒకటి. ఈ నెల 17 వ తేదీన ఈ సినిమా విడుదల కానుంది. అల్లు అర్జున్ సరసన రష్మిక నటించింది. మళయాళ నటుడు ఫాహద్ ఫాజిల్, సునీల్, అనసూయ కీలక పాత్రల్లో నటించారు. దేవి శ్రీ ప్రసాద్ పాటలు ఇప్పటికే ట్రెండింగ్ లో ఉన్నాయి. ఈ సినిమా ప్రొమోషన్స్ లో భాగంగా అల్లు అర్జున్ మీడియాతో మాట్లాడుతూ కొన్ని ఆసక్తికరమైన విషయాలు వెల్లడించారు.
ఈ సినిమా షూటింగ్ కోసం మారుమూల ప్రాంతాలకి వెళ్లాల్సి వచ్చిందని, కొత్త లొకేషన్స్ ఈ సినిమాలో చాలా చూపించామని అల్లు అర్జున్ చెప్పారు. కొన్ని ప్రాంతాల్లో రోడ్ లు కూడా వెయ్యాల్సి వచ్చిందని చెప్పారు. ప్రతి రోజూ 500 మందికి పైగా సెట్ లో పనిచేసేవారని, ఈ ఒక్క సినిమా నాలుగు సినిమాలతో సమానమని అల్లు అర్జున్ అన్నారు. ఈ సినిమాలో ప్రతి ఒక్కరూ అద్భుతం గా నటించారని చెప్పారు.
ఇక ఈ సినిమాలో పుష్ప రాజ్ పాత్రలో అల్లు అర్జున్ ఒక భుజం కిందకి వంచి, మరొక భుజం పైకెత్తి కనిపిస్తున్నారు. ఇలా నటించడం వల్ల అల్లు అర్జున్ కొన్ని ఆరోగ్య సమస్యలు ఎదుర్కొన్నారట. ఈ విషయం స్వయంగా ఆయనే చెప్పారు. భుజం పైకెత్తి నటించడం వలన షూటింగ్ చివరికి వచ్చే సరికి భుజం పట్టేసి, మెడ చిన్నగా ఐపోయేదని బన్నీ చెప్పారు. అందుకోసం ప్రతి రోజు నిద్ర లేవగానే ఒక 15 నిమిషాలు మెడని స్ట్రెచ్ చేసేవారని వెల్లడించారు బన్నీ.