Akhanda Movie : నందమూరి న‌ట‌సింహం బాలకృష్ణ హీరోగా నటించిన అఖండ మూవీ విడుద‌లై ఇన్ని రోజులు అవుతున్నా.. సినిమాకు ఇంకా క్రేజ్ త‌గ్గ‌లేదు. ఇప్ప‌టికీ ఈ మూవీ వ‌స్తుంటే ప్రేక్ష‌కులు చ‌ప్ప‌ట్లు కొడుతుంటారు. ఈ చిత్రానికి బోయపాటి శ్రీను దర్శకత్వం వహించారు. వీరి కాంబినేషన్ లో ఇప్పటికే వచ్చిన సింహా, లెజెండ్ లాంటి చిత్రాలు సూపర్ హిట్ అవ్వడంతో అఖండ సినిమాపై భారీ అంచనాలు నెలకొన్నాయి. అయితే అఖండ కూడా హిట్ అయింది. ఈ క్ర‌మంలోనే ఈ సినిమాలో బాలయ్య అఖండ, రామకృష్ణ అనే రెండు పాత్రల్లో నటించి అలరించారు. సినిమాకు థ‌మన్ స్వరాలు, బాలయ్య యాక్షన్ సన్నివేశాలు ప్లస్ గా నిలిచాయి. అదేవిధంగా ఈ సినిమాతో నటుడు శ్రీకాంత్ విలన్ గా పరిచయం అయ్యారు. శ్రీకాంత్ నటన కూడా ఈ సినిమాకు ప్రత్యేక ఆకర్షణగా నిలిచింది.
ఇది ఇలా ఉండగా ఈ సినిమాలో నటి నవీన రెడ్డి కీలక పాత్రలో నటించింది. నవీనా రెడ్డి స్క్రీన్ పై కనిపించింది తక్కువసేపు అయినా కీ రోల్ పోషించింది. నవీన రెడ్డి ఎఫ్ 2 సినిమాలో కూడా ఓ చిన్న రోల్ చేసింది. తర్వాత వెంకీ మామ, భీష్మ, అద్భుతం లాంటి చిత్రాల్లో నటించింది. అంతేకాకుండా అర్ధ శతాబ్దం సినిమాలో హీరోయిన్ గా నటించింది. అయితే ఈ సినిమాలలో రాని గుర్తింపు నవీనా రెడ్డికి అఖండ సినిమాతో వచ్చింది.
అయితే నవీనా రెడ్డి పక్కా హైదరాబాదీ కాగా ఆమెకు చిరంజీవి అంటే ఎనలేని అభిమానం. చిరు కరోనా బారిన పడిన సమయంలో నవీన రెడ్డి ఆయన కోలుకోవాలని ప్రత్యేక పూజలు కూడా చేసింది. అంతేకాకుండా నవీన రెడ్డి ఎప్పుడూ సోషల్ మీడియాలో యాక్టివ్ గా ఉంటూ తన సినిమాలపై అప్డేట్ లు ఇస్తూ ఉంటుంది. ఇక త్వ‌ర‌లోనే మ‌రిన్ని సినిమాల్లో ఇలా క‌నిపించాల‌ని ఆమె ప్ర‌య‌త్నాలు చేస్తోంది. మ‌రి ఆమె ఇంకా ఏయే మూవీల్లో న‌టిస్తుందో చూడాలి.
