Ram Pothineni : ఒక హీరో స్టార్ గా సక్సెస్ అవ్వాలంటే కథ ఎంపికలో ఆచితూచి నిర్ణయం తీసుకోవాలి. కంటెంట్ బాగున్నప్పుడు మాత్రమే ప్రేక్షకులు ఆ సినిమాని ఆదరిస్తారు. హీరోలు కథ ఎంచుకునే టైంలో ఈ కథ సక్సెస్ కాదు అని భావించి వదులుకోవటం జరుగుతుంది. కానీ అదే సినిమా అవకాశం మరో హీరో దక్కించుకుని బాక్సాఫీస్ వద్ద బ్లాక్ బాస్టర్ హిట్ ను అందుకుంటారు. పాపం ఇలాంటి పరిణామమే యంగ్ అండ్ ఎనర్జిటిక్ హీరో రామ్ పోతినేనికి ఎదురైంది.
లింగస్వామి దర్శకత్వంలో రామ్ పోతినేని నటించిన లేటెస్ట్ మూవీ ది వారియర్. జూలై 14న విడుదలైన ఈ మూవీ బాక్సాఫీస్ వద్ద డిజాస్టర్ గా నిలిచింది. దర్శకుడు లింగుస్వామి ది వారియర్ మూవీని తెలుగు, తమిళ భాషల్లో తెరకెక్కించాడు. రెండు భాషల్లోనూ ఈ సినిమాను విడుదల చేయగా ఫ్లాప్ టాక్ ను మూట‌గ‌ట్టుకుంది. ఈ సినిమాలో రామ్ పోతినేని తొలిసారిగా పోలీస్ క్యారెక్టర్ లో నటించారు.
ఈ మూవీ ప్రమోషన్స్ లో రామ్ పోతినేని ఒక కామెంట్ చేశారు. నేను నాలుగైదు పోలీస్ స్టోరీస్ విన్నాను. ఒక్కటి కూడా నాకు నచ్చలేదు. దీంతో పోలీస్ స్టోరీస్ చేయకూడని డిసైడ్ అయ్యానని తెలియజేశారు. ఆ తరువాత లింగుస్వామి చెప్పిన కథ నాకు బాగా నచ్చింది. నా నిర్ణయం మార్చుకొని ది వారియర్ చిత్రం చేశాను. రామ్ కెరీర్ లో మొదటిసారిగా పోలీస్ పాత్ర ట్రై చేయగా అది కాస్త బెడిసికొట్టింది. అయితే రామ్ రిజెక్ట్ చేసిన ఆ నాలుగైదు పోలీస్ స్టోరీస్ స్క్రిప్ట్స్ లో క్రాక్ కూడా ఒకటి.
దర్శకుడు గోపీచంద్ మలినేని రవితేజ కంటే ముందు క్రాక్ స్క్రిప్ట్ రామ్ కి వినిపించారట. క్రాక్ స్టోరీ నచ్చకపోవడంతో రామ్ రిజెక్ట్ చేశాడట. ఈ ఛాన్స్ కాస్త రవితేజ చెంతకు చేరింది. క్రాక్ చిత్రం సక్సెస్ తో రవితేజ మళ్లీ సక్సెస్ ట్రాక్ లోకి వచ్చేశారు. క్రాక్ బాక్సాఫీస్ వద్ద ఘన విజయాన్ని అందుకుంది. 2021సంక్రాంతి కానుకగా విడుదలైన క్రాక్ ప్రతికూల పరిస్థితుల మధ్య కూడా మంచి కలెక్షన్లను రాబట్టింది. అలా రామ్ సూపర్ హిట్ సినిమా క్రాక్ మూవీని మిస్ చేసుకుని అట్టర్ ఫ్లాప్ సినిమా దివారియ‌ర్ తో ప్రేక్షకుల ముందుకు వచ్చి దెబ్బైపోయాడు.
ఇక ఇస్మార్ట్ శంకర్ చిత్రం అనంతరం రామ్ చేసిన రెడ్, ది వారియర్ వరుసగా ప్లాప్ అవ్వటంతో ఇక రామ్ ఆశలన్నీ బోయపాటి శ్రీను మూవీ పైనే ఉన్నాయి. ప్రస్తుతం రామ్, బోయపాటి శ్రీను కాంబినేషన్ లో భారీ బడ్జెట్ తో పాన్ ఇండియా మూవీ తెరకెక్కనుంది. అఖండ సినిమా అనంతరం బోయపాటి శ్రీను నుండి వస్తున్న మూవీ కావడంతో అంచనాలు భారీగా ఏర్పడ్డాయి. మరి బోయపాటి శ్రీను చిత్రంతోనైనా హీరో రామ్ సక్సెస్ ని అందుకుంటాడో.. లేదో.. వేచి చూడాలి.
