Dhanush : ఈ మ‌ధ్య కాలంలో సోష‌ల్ మీడియాలో వ‌స్తున్న వార్త‌ల్లో దేన్ని న‌మ్మాలో.. దేన్ని న‌మ్మ‌వ‌ద్దో.. తెలియ‌ని అయోమ‌య ప‌రిస్థితి నెల‌కొంది. అందులో వ‌స్తున్న వార్త‌ల్లో చాలా వ‌ర‌కు పుకార్లే ఉంటున్నాయి. అయితే కొన్ని వార్తలు మాత్రం నిజ‌మే అవుతున్నాయి. కానీ 99 శాతం వ‌ర‌కు వార్తలు అన్నీ పుకార్లే అవుతున్నాయి. ఇక ఈమ‌ధ్యే ఓ వార్త కూడా ఇలాగే వైర‌ల్ అయింది. సూప‌ర్ స్టార్ ర‌జ‌నీకాంత్ కుమార్తె ఐశ్వ‌ర్య, ఆమె మాజీ భ‌ర్త ధనుష్ మ‌ళ్లీ క‌ల‌వ‌బోతున్నారంటూ.. ఓ వార్త వైర‌ల్ అయింది. అయితే ఇందులో ఎంత మాత్రం నిజం లేద‌ని తేలింది.
ఓ మీడియా సంస్థ ఇదే విష‌య‌మై ధనుష్, ఐశ్వ‌ర్య ర‌జ‌నీకాంత్‌ల‌ను క్లారిటీ కోసం సంప్ర‌దించింద‌ట. దీంతో వారి మేనేజ‌ర్లు రిప్లై ఇచ్చార‌ట. ధనుష్, ఐశ్వ‌ర్య మ‌ళ్లీ క‌లుస్తార‌ని, విడాకులను ర‌ద్దు చేసుకుంటార‌ని.. వ‌స్తున్న వార్త‌ల్లో నిజం లేద‌ని.. ఈ వార్త‌ల‌ను న‌మ్మొద్ద‌ని కోరారు. అయితే ధనుష్, ఐశ్వ‌ర్య ఈ మ‌ధ్య క‌ల‌సి మాట్లాడుకున్న మాట వాస్త‌వ‌మేన‌ట. కానీ వారు క‌లిసింది.. పిల్లల భ‌విష్య‌త్తు గురించ‌ట. వారికి ఏం చేద్దామ‌నే ఆలోచ‌న‌లో భాగంగానే ఇద్ద‌రూ క‌ల‌సి మాట్లాడుకున్నారు త‌ప్ప.. తాము క‌ల‌సిపోయేందుకు వారు మాట్లాడుకోలేద‌ట. అందువ‌ల్ల ఈ వార్త‌ల్లో నిజం లేద‌ని.. అంతా అబ‌ద్ద‌మేన‌ని తేలింది.
ధనుష్, ఐశ్వ‌ర్య ర‌జ‌నీకాంత్‌లు 2004లో వివాహం చేసుకోగా.. ఈ ఏడాది జ‌న‌వ‌రిలో త‌మ 18 ఏళ్ల వివాహ బంధానికి ముగింపు ప‌లుకుతున్న‌ట్లు తెలిపి షాకిచ్చారు. విడాకులు తీసుకోబోతున్నామ‌ని ప్ర‌క‌టించారు. అందులో భాగంగానే వారు ఇప్ప‌టికే విడాకులు కూడా తీసుకున్నారు. ఇక వారు క‌లిసే ప్ర‌స‌క్తే లేద‌ని వెల్ల‌డించారు. కానీ పిల్లల భ‌విష్య‌త్తు కోసం ఇద్ద‌రూ త‌మ వంతు బాధ్య‌త‌ల‌ను తీసుకుంటామ‌ని మాత్రం చెప్పారు.
