మన తెలుగు క్యాలెండర్ ప్రకారం నాలుగవ మాసాన్ని ఆషాడ మాసంగా చెబుతాము. ఆషాడ మాసం ఎన్నో పండుగలు, వ్రతాలు వస్తాయి కాని ఈ నెలలో ఎటువంటి శుభకార్యాలను చేయరు. ఈ విధంగా ఆషాడ మాసంలో శుభకార్యాలను చేయకపోవడం మన పూర్వీకుల నుంచి ఒక ఆచారంగా వస్తోంది. మనం ఏదైనా మంచి పని తలపెడితే అందుకు సరైన సమయం ముహూర్తం ఎంతో అవసరం. సరైన ముహూర్తం ఉన్నప్పుడే ఆ పని సక్రమంగా జరిగి మంచి జరుగుతుందని భావిస్తారు.
ముఖ్యంగా పెళ్లిళ్ల విషయంలో తప్పనిసరిగా మంచి ముహూర్తాలను నిర్ణయిస్తారు. అదే ఆషాడమాసంలో మాత్రం ఎలాంటి పెళ్లిళ్లు కానీ శుభకార్యాలు గాని చేయరు. ఆషాడ మాసంలో శుభకార్యాలు చేయక పోవడానికి గల కారణాలు ఏమిటి ఇక్కడ తెలుసుకుందాం.
పురాణాల ప్రకారం విష్ణుదేవుడు ఆషాఢమాసంలోనే యోగనిద్రలోకి వెళతాడని చెబుతారు. స్వామి వారు యోగ నిద్రలోకి వెళ్ళడం వల్ల స్వామివారి ఆశీస్సులు మనపై ఉండవని భావించి ఈ నెలలో ఎలాంటి కార్యక్రమాలను నిర్వహించరు. అదే ఆషాడ మాసంలో ఎన్నో వ్రతాలు,పూజలు ఉండటం వల్ల పురోహితులకు పెళ్లిళ్ల చేయడానికి కుదరకపోవడంతో పూర్వకాలంలో ఈ మాసంలో పెళ్లిళ్లు చేసేవారు కాదు. అలాగే ముఖ్యంగా రైతులకు ఆషాడమాసంలో వ్యవసాయ పనులలో నిమగ్నమవుతారు అందుకోసమే ఈ ఆషాడమాసంలో ఇలాంటి కార్యక్రమాలను నిర్వహించకుండా ఉండడం పూర్వ కాలం నుంచి ఆచారంగా వస్తోంది. అయితే ప్రస్తుతం కూడా అదే పద్ధతులను అనుసరిస్తూ ఆషాడ మాసంలో ఎలాంటి శుభకార్యాలను కానీ, పెళ్లిలను కానీ నిర్వహించరు.
