మెగా కాంపౌండ్ నుంచి ఇప్పటికి ఎంతో మంది హీరోలు ఎంట్రీ ఇచ్చి ఇండస్ట్రీలో తమ సత్తా చాటుకున్నారు. ఈ క్రమంలోనే తాజాగా మరో హీరో వైష్ణవి తేజ్ ఉప్పెన సినిమా ద్వారా ఎంట్రీ ఇచ్చారు. మొదటి సినిమా బ్లాక్ బస్టర్ హిట్ కావడంతో వైష్ణవ కు ఎన్నో అవకాశాలు వచ్చాయి. ఈ క్రమంలోనే వైష్ణవ్ రెండవ సినిమాను దర్శకుడు క్రిష్ దర్శకత్వంలో నటించారు.
మొదటి సినిమా విడుదల కాకుండానే డైరెక్టర్ క్రిష్ తో రెండవ సినిమాను ప్రారంభించారు.కొండపాలెం నవల ఆధారంగా ఈ సినిమా తెరకెక్కింది. ఈ సినిమాలో వైష్ణవి కి జోడిగా రకుల్ ప్రీత్ నటించింది.ఇప్పటికే ఈ సినిమా షూటింగ్ పూర్తి చేసుకుని ఆరు నెలల గడిచినప్పటికీ ఈ సినిమాకి సంబంధించినటువంటి ఏ విషయం బయటకు వినిపించడం లేదు.
ప్రస్తుతం దర్శకుడు క్రిష్ పవన్ కళ్యాణ్ హర హర వీరమల్లు పనిలో బిజీగా ఉన్నారు. అదేవిధంగా వైష్ణవ్ కూడా తన తదుపరి చిత్రాలతో బిజీగా ఉండటం వల్ల ఈ సినిమా ఊసే ఎత్తడం లేదు. మొదటి సినిమాతోనే బ్లాక్ బస్టర్ విజయం అందుకున్న ఈ హీరో రెండో సినిమా విషయంలో తిప్పలు తప్పడం లేదు. ప్రస్తుతం కరోనా వ్యాప్తి అధికంగా ఉన్న నేపథ్యంలో ఈ సినిమా థియేటర్ లో కాకుండా ఓటీటీలో విడుదల చేయాలనే ఆలోచనలు దర్శక నిర్మాతలు ఉన్నట్టు తెలుస్తోంది. ఏది ఏమైనా మొదటి సినిమా బ్లాక్ బస్టర్ కొట్టిన మెగా హీరోకి రెండవ సినిమా తీవ్ర నిరాశను కల్పించిందని చెప్పవచ్చు.
