వీడియో వైరల్: జిరాఫీకి ఆహారం పెట్టాడు.. చివరికి గాల్లో తేలాడు!

కొన్నిసార్లు కొన్ని వీడియోలను చూస్తే ఎంతో నవ్వొస్తుంది. అలాంటి వీడియోలను పదేపదే చూస్తూ నవ్వడం ద్వారా మనస్సు ఎంతో కుదుటపడుతుంది.ప్రస్తుతం అలాంటి వీడియోనే సోషల్ మీడియాలో ఒకటి వైరల్ గా మారింది. ఈ వీడియో చూస్తే మాత్రం నవ్వకుండా ఉండలేరు. మరి ఆ ఫన్నీ వీడియో ఏమిటి? అందులో ఏముందో ఇక్కడ తెలుసుకుందాం.

సరదాగా మనం జూ వెళ్ళినప్పుడు అక్కడ బోర్డుపై జంతువులకు ఆహార పదార్థాలను పెట్టకూడదు అని రాసి ఉంటారు.కానీ ఆ బోర్డుని చూడగానే వాటికి ఆహారం అందించాలనే కుతూహలం మనలో ఎక్కువవుతుంది.ఈ క్రమంలోనే ఎంతోమంది తమ వెంట తెచ్చుకున్న వస్తువులను జంతువులకు ఆహారంగా ఇస్తుంటారు. అచ్చం అలాగే ఓ కుర్రాడు జూ లో ఉన్నటువంటి ఒక జిరాఫీకి ఆహారం పెట్టాలని భావించాడు. అందుకు అతని పేరెంట్స్ వారించకుండా దగ్గరుండి మరి జిరాఫీకి ఆకులను తినిపించారు. ఇక్కడే అసలైన ట్విస్ట్ దాగి ఉంది.

కుర్రాడు పెద్ద ఆకులను జిరాఫీకి తినిపిస్తున్న సమయంలో జిరాఫీ ఆకును నోటిలో పెట్టుకొని తన తలను పైకి ఎత్తింది. ఆ సమయంలోనే కుర్రాడు ఆకును వదలకుండ గట్టిగా పట్టుకోవడంతో ఒక్కసారిగా గాల్లో తేలాడు.అది చూసిన తన తల్లి గట్టిగా అరవడంతో వెంటనే తన తండ్రి అప్రమత్తమై తన కొడుకుని పట్టుకొని కిందకు దించారు. ఈ సంఘటన చూసిన తల్లి నవ్వు ఆపుకోలేకపోయింది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. ఈ వీడియో చూసిన నెటిజన్లు తమదైన శైలిలో కామెంట్లు చేస్తున్నారు.మరెందు కాలస్యం ఆ ఫన్నీ వీడియో పై మీరూ ఓ లుక్కేయండి.