ఒక జింక కోసం ఆరు సింహాలు పోటీ.. చివరికి ఏం జరిగిందంటే.. వీడియో వైరల్..

అడవికి మృగరాజు అయిన సింహం వేట మొదలు పెట్టింది అంటే అటువైపు ఎంతటి బలమైన జంతువులు ఉన్నా సింహానికి ఆహారం కావాల్సిందే. సాధారణంగా ఒక సింహం వేటాడితే సింహం చెర నుంచి తప్పించుకోవడం సాధ్యపడదు. అలాంటిది ఏకంగా సింహాలు గుంపులుగా చేరి ఒక జంతువును వేటాడితే ఇక ఆ జంతువు పరిస్థితి ప్రత్యేకంగా చెప్పాల్సిన పని లేదు. తాజాగా ఇలాంటి అరుదైన వీడియో ఒకటి సోషల్ మీడియాలో వైరల్ గా మారింది.

ఇండియన్ ఫారెస్ట్ సర్వీస్ ఆఫీసర్ సాకేత్ బదోలా..  45 సెకండ్ల నిడివి ఉన్న ఓ వీడియోను ట్విట్టర్ లో పోస్ట్ చేశారు. ఈ వీడియోలో ఓ జింకను ఏకంగా ఆరు సింహాలు పోటీపడి మరీ వేటాడాయి. ఈ వీడియోలో రెండు సింహాలు చెట్టుపై ఉండే జింకను వేటాడానికి ప్రయత్నిస్తున్న సమయంలో మరో 4 సింహాలు కూడా వచ్చి ఆ జింకను వేటాడటానికి ప్రయత్నించాయి. ఈ క్రమంలోనే ఒక సింహం జింక పొట్టను పట్టి లాగింది. అదేవిధంగా కిందనుంచి మరో సింహం దానిని కిందికి లాగడానికి ప్రయత్నించాయి.

ఈ విధంగా కొంత సమయం పాటు జింక కోసం పోటీ పడిన సింహాలన్ని ఒక్కసారిగా చెట్టు పై నుంచి కింద పడటంతో సింహాలు ఆ జింకను చీల్చి చెండాడి తినేశాయి. ఈ సంఘటనను అక్కడికి వచ్చిన టూరిస్టుల కంట పడింది. ఈ వీడియోను ట్విట్టర్ లో షేర్ చేయడంతో పెద్ద ఎత్తున నెటిజన్లు వీక్షిస్తున్నారు. ఈ క్రమంలోనే కొందరు నెటిజన్లు తమదైన శైలిలో కామెంట్లు చేస్తున్నారు.