వీడియో వైరల్: కుక్కలా మొరిగిన పక్షి.. ఆశ్చర్యపోతున్న నెటిజన్లు!

సాధారణంగా కొన్ని పక్షులు మనం వాటికి ఎలా ట్రైనింగ్ ఇస్తే అలా చేయడం మనం చూస్తుంటాము. ఈ క్రమంలోనే కొన్ని పక్షులు కొన్ని రకాల జంతువుల మాదిరి అరుస్తూ అందరినీ ఆశ్చర్యపరుస్తూ ఉంటాయి. కానీ సీగల్ పక్షి మాత్రం ఈ పక్షుల కంటే ఎంతో భిన్నం. ఈ పక్షి ఎల్లప్పుడు ఒకే రకంగా అరుస్తూ ఉంటుంది. అయితే ఈ పక్షి పక్షి మాదిరి కాకుండా కుక్క మాదిరి అరవడం అందరిని ఎంతో ఆశ్చర్యానికి గురిచేస్తుంది.

మన దేశంలో మనకు పావురాలు ఎలా ఉంటాయో విదేశాలలో సీగల్ పక్షులు అలాగే ఉంటాయి. ఈ పక్షులు చూడటానికి చాలా అమాయకంగా కనిపించిన ఎన్నో చోరీలను చేస్తుంటాయి. ఈ క్రమంలోనే ఇంగ్లాండ్లో ఓ వ్యక్తి బాల్కనీలో కూర్చోగా అతని బాల్కనీలోకి ఒక సీగల్ పక్షి వచ్చింది. ఈ విధంగా పక్షి రావడంతో సదరు వ్యక్తి ఆ పక్షికి వీడియో తీశాడు. ఈ క్రమంలోనే సదరు వ్యక్తి ఆ పక్షిని భయపెట్టాలని కుక్క మాదిరి అరిచాడు. కొద్దిసేపటి తర్వాత ఆ పక్షి కూడా కుక్కలాగా అరవడం మొదలు పెట్టింది.

ఈ విధంగా పక్షి కూడా కుక్కలాగా మొరగడంతో ఎంతో ఆశ్చర్యం వ్యక్తం చేసిన సదరు వ్యక్తి మరోసారి అరిచాడు. ఆ పక్షి కూడా అలాగే అరిచింది.ఈ క్రమంలోనే సదరు వ్యక్తి వేరే విధంగా అరిచినా కూడా సీగల్ మాత్రం కుక్కలా అరవడంతో దాని అరుపే ఈ విధంగా ఉంటుందని భావించాడు. ఈ క్రమంలోనే ఈ సీగల్ పక్షి అరుస్తున్న అరుపుకు సంబంధించిన వీడియోను సోషల్ మీడియా వేదికగా షేర్ చేయడంతో ఈ వీడియో కాస్త వైరల్ గా మారింది.