న‌వ‌గ్ర‌హాలు అనుకూలించాలంటే.. అస‌లు ఏం చేయాలి..?

నవగ్రహాలు అనుకూలించాలంటే, ఇలా చేయాల్సిందే. ఇలా చేయడం వలన నవగ్రహాలు అనుకూలంగా మారుతాయి. తల్లిదండ్రులని గౌరవిస్తే రవి చంద్రులు అనుకూలిస్తారు. తల్లిదండ్రుల‌కి సేవ చేసుకోండి. గురు బలం కావాలంటే అతిథుల్ని గౌరవించండి. పసుపుని పాలతో పాటు కలిపి నుదుటిన బొట్టు పెట్టుకోవాలి. ఆడవాళ్ళు అయితే ముఖానికి పసుపు రాసుకోవాలి. కుజుడి అనుగ్రహం కోసం సోదర వర్గాన్ని ఆదరించాలి.

శుక్ర గ్రహం అనుకూలించాలంటే ఆడపిల్లల్ని గౌరవించాలి. అప్పుడు శుక్ర గ్రహం అనుకూలంగా ఉంటుంది. ఒకవేళ ఇంట్లో ఆడపిల్లలు లేకపోతే మేనత్తని గౌరవించండి. అత్త కూడా లేకపోతే కన్నతల్లిని గౌరవించండి. శని గ్రహం అనుకూలించాలంటే ఇంట్లో పని మనుషులని చికాకు పడకుండా చూసుకోవాలి. తగినంత జీతాన్ని పని వారికి ఇవ్వాలి. పనివాళ్ళు లేకపోతే పేద‌లకి, వికలాంగులకు సాయం చేయాలి. బుధుడి అనుగ్రహం కోసం మేనమామని ఆదరించాలి.

లగ్నకుండలి ఆధారంగా కొందరి జాతకంలో చూసినట్లయితే అన్నదానం చేయకూడదు. వాళ్ళు అన్నదానం చేస్తే అన్నం తిన్న వాళ్ళు తిరిగి యజమానికి ద్రోహం చేస్తారట. అలాగే బంధువులు వీళ్ళ ఇంటికి వచ్చి కొంతకాలం ఉండిపోయి వీళ్ళని మోసం చేస్తుంటారు. రవి అనుగ్రహం కోసం ఎవరి దగ్గర ఏ వస్తువుని ఫ్రీగా తీసుకోకూడదు. కుజుడి స్థితిని బట్టి కొంతమందికి చక్కెర వ్యాపారం చేయకూడదు.

బుధుడి స్థితిని బట్టి కొంతమంది మాంసాహారం, గుడ్లు, చేపలు తినకూడదు. గురువు యొక్క స్థితిని ఆధారంగా సాధువులకి, సన్యాసులకి సహాయం చేయకూడదు. వస్త్రాలను దానంగా ఇవ్వకూడదు. రాహువు స్థితి ఆధారంగా కొంతమంది నీలం రంగు, నలుపు రంగు బట్టలు వేసుకోకూడదు. కుక్కలని పెంచుకోకూడదు. కేతువు స్థితి ఆధారంగా కొంతమంది తప్పుడు వాగ్దానాలు చేయరాదు. అలానే సంతానం లేని వాళ్ళ నుండి భూమిని కొనుగోలు చేయకూడదు. ఈసారి చూసారు కదా.. నవగ్రహాలు అనుకూలించాలంటే, ఏం చేయాలని. మరి ఇక ఈ విధంగా ఆచరించండి. అప్పుడు నవగ్రహాలు అనుకూలంగా ఉంటాయి.