రూ.3199కే జీబ్రానిక్స్ స్మార్ట్ వాచ్‌.. కాల్ స‌పోర్ట్‌తో..!

కంప్యూట‌ర్ ఉత్ప‌త్తుల త‌యారీదారు జీబ్రానిక్స్ కొత్త‌గా జిబ్‌-ఫిట్‌4220సీహెచ్ పేరిట ఓ స్మార్ట్ వాచ్‌ను భార‌త్‌లో విడుద‌ల చేసింది. ఇందులో బ్లూటూత్ ద్వారా కాల్స్ చేసుకునే స‌దుపాయాన్ని అందిస్తున్నారు. ఫోన్‌తో ఈ వాచ్‌ను పెయిర్ చేసుకుని దాంతో కాల్స్ చేయ‌వ‌చ్చు. కాల్స్ ఆన్స‌ర్ చేయ‌వ‌చ్చు. అలాగే ఫిట్ నెస్ కోసం ఉప‌యోగించుకోవ‌చ్చు. కాల్స్‌కు ఈ వాచ్‌లో ప్ర‌త్యేక బిల్టిన్ మైక్‌, స్పీక‌ర్‌ల‌ను ఏర్పాటు చేశారు.

ఈ వాచ్‌లో 1.3 ఇంచుల టీఎఫ్‌టీ క‌ల‌ర్ డిస్‌ప్లే ఉంది. 100కు పైగా వాచ్ ఫేస్‌ల‌ను మార్చుకోవ‌చ్చు. 7 ర‌కాల స్పోర్ట్స్ మోడ్స్‌కు స‌పోర్ట్ ల‌భిస్తుంది. ఐపీ67 వాట‌ర్ రెసిస్టెంట్ ఫీచ‌ర్ ఈ వాచ్‌కు ఉంది. ఎస్‌పీవో2, బీపీ, హార్ట్ రేట్‌ను తెలుసుకోవ‌చ్చు. ఆండ్రాయిడ్ 5.0 ఆపైన‌, ఐఓఎస్ 9.0 ఆపైన ఓఎస్ ఉన్న డివైస్‌ల‌కు ఈ వాచ్‌ను క‌నెక్ట్ చేసుకోవ‌చ్చు.

ఈ వాచ్‌లో పెడోమీట‌ర్‌, కెలోరీ కౌంట్‌, డిస్టాన్స్ ట్రాక‌ర్‌, స్లీప్ మానిట‌ర్‌, సెడెంట‌రీ రిమైండ‌ర్‌, అలారం, మ్యూజిక్ కంట్రోల్స్‌, రిస్ట్ సెన్స్‌, కెమెరా ష‌ట‌ర్ వంటి ఫీచ‌ర్ల‌ను అందిస్తున్నారు. దీంట్లో 220 ఎంఏహెచ్ కెపాసిటీ ఉన్న బ్యాట‌రీ ఉంది. అందువ‌ల్ల ఈ వాచ్ 5 రోజుల వ‌ర‌కు బ్యాట‌రీ బ్యాక‌ప్‌ను అందిస్తుంది.

జీబ్రానిక్స్ ZEB-FIT4220CH స్మార్ట్ వాచ్ ధ‌ర రూ.3,999గా ఉంది. దీన్ని అమెజాన్‌లో లాంచింగ్ ఆఫ‌ర్ కింద రూ.3199కే కొనుగోలు చేయ‌వ‌చ్చు.