Spinach : మనం త‌ర‌చూ ఆహారంలో భాగంగా ఆకుకూర‌ల‌ను కూడా తీసుకుంటూ ఉంటాం. వారానికి రెండు సార్లైనా త‌ప్ప‌కుండా ఆకుకూర‌ల‌ను ఆహారంలో భాగంగా తీసుకోవాల‌ని వైద్య నిపుణులు చెబుతున్నారు. ఆకుకూర‌లు ఎక్కువ‌గా ఐర‌న్ ను క‌లిగి ఉంటాయి. ఐర‌న్ లోపం కార‌ణంగా మ‌న‌కు ర‌క్త హీన‌త స‌మ‌స్య వ‌చ్చే అవ‌కాశం ఉంటుంది. గ‌ర్భిణీలు, పిల్ల‌లు ఎక్కువ‌గా ర‌క్త‌హీన‌త స‌మ‌స్య బారిన‌ప‌డుతూ ఉంటారు. వీరు త‌ర‌చూ ఆకు కూర‌ల‌ను తిన‌డం వల్ల ర‌క్త‌హీన‌త స‌మ‌స్య రాకుండా ఉంటుంది. మనం ఆహారంగా తీసుకునే ఆకుకూర‌ల్లో పాల‌కూర కూడా ఒక‌టి. ఆకుకూర‌ల్లో పాల‌కూర‌కు ఒక ప్ర‌త్యేక స్థానం ఉంది.
పాల‌కూర‌ను మితంగా తీసుకోవ‌డం వల్ల మనం అనేక ఆరోగ్య‌క‌ర‌మైన ప్ర‌యోజ‌నాల‌ను పొంద‌వ‌చ్చు. పాల‌కూర మ‌న శ‌రీరానికి ఎంతో మేలు చేస్తుంది. పాల‌కూర‌ను ఆహారంగా తీసుకోవ‌డం వల్ల క‌లిగే లాభాల గురించి ఇప్పుడు తెలుసుకుందాం. పాలకూరలో ప‌లు ర‌కాల యాంటీ ఆక్సిడెంట్లు ఉంటాయి. ఈ యాంటీ ఆక్సిడెంట్లు యాంటీ క్యాన్సర్ ఏజెంట్లుగా ప‌నిచేస్తాయి. దీని వల్ల క్యాన్సర్ క‌ణాల పెరుగుద‌ల‌ను అడ్డుకోవ‌చ్చు. అలాగే పాలకూరలో శ‌రీరానికి అవ‌స‌ర‌మ‌య్యే అనేక ర‌కాల విట‌మిన్స్, మిన‌ర‌ల్స్ కూడా ఉంటాయి. మ‌న శ‌రీరాన్ని రోగాల బారిన ప‌డ‌కుండా చేయ‌డంలో ఇవి ఎంత‌గానో ఉప‌యోగ‌ప‌డ‌తాయి.
పాల‌కూర‌ను త‌ర‌చూ ఆహారంలో భాగంగా తీసుకోవ‌డం వల్ల గుండె సంబంధిత స‌మ‌స్య‌లు రాకుండా ఉంటాయి. భావోద్వేగాలు అదుపులో ఉండ‌డంతోపాటు మాన‌సిక ఒత్తిడి త‌గ్గుతుంది. పాల‌కూర‌కు ర‌క్తాన్ని శుద్ధి చేసే గుణం కూడా ఉంది. దీనిలో పుష్క‌లంగా ఉండే ఐర‌న్ ర‌క్త‌హీన‌త స‌మ‌స్య రాకుండా కాపాడుతుంది. శ‌రీరంలో రోగ నిరోధ‌క శ‌క్తిని పెంచ‌డంలో, బీపీని నియంత్రించ‌డంలో పాల‌కూర మ‌న‌కు స‌హాయ‌ప‌డుతుంది. జ్వ‌రం, శ్వాస సంబంధిత స‌మ‌స్య‌లతో బాధ‌ప‌డే వారు పాల‌కూర‌ను ఆహారంలో భాగంగా తీసుకోవ‌డం వల్ల మంచి ఫ‌లితం ఉంటుంది.
ఇందులో ఉండే ఫ్లేవ‌నాయిడ్స్ వ‌య‌స్సు మీద ప‌డ‌డం వల్ల వ‌చ్చే మ‌తిమ‌రుపును తగ్గిస్తాయి. పాల‌కూర‌ను తిన‌డం వల్ల ముఖం కాంతివంతంగా మారుతుంది. పాల‌కూర‌తో మనం ప‌ప్పును, ప‌కోడీలు, పాల‌క్ రైస్, వేపుడు, పాల‌క్ ప‌నీర్ వంటి వంట‌ల‌ను త‌యారు చేసుకుని తింటూ ఉంటాం. అయితే ఆకుకూర‌ల‌ను వండేట‌ప్పుడు వాటిని ఎక్కువ‌గా ఉడికించ‌రాదు. ఎక్కువ‌గా ఉడికించ‌డం వల్ల వాటిల్లో పోష‌కాలు ఆవిరైపోతాయి. క‌నుక ఆకుకూర‌లు త‌క్కువ‌గా ఉడికించాలి. పాలకూరలో ఎక్కువ‌గా కాల్షియం ఉంటుంది. క‌నుక మూత్ర పిండాల్లో రాళ్ల స‌మ‌స్య‌తో బాధ‌ప‌డే వారు పాల‌కూర‌ను మితంగా తీసుకోవాలి లేదా వారు తిన‌క‌పోవ‌డ‌మే మంచిద‌ని నిపుణులు చెబుతున్నారు. ఈ విధంగా పాల‌కూర మ‌న‌కు ఎంతో ఉప‌యోగ‌ప‌డుతుందని.. దీనిని త‌ర‌చూ ఆహారంలో భాగంగా తీసుకోవాల‌ని నిపుణులు చెబుతున్నారు.
అస్సాం రైఫిల్స్ వారు ప‌లు పోస్టుల్లో ఖాళీగా ఉన్న పోస్టుల‌ను భ‌ర్తీ చేసేందుకు గాను ఆస‌క్తి, అర్హ‌త ఉన్న అభ్య‌ర్థుల…
బ్యాంకుల్లో ఉన్న‌త స్థానాల్లో ఉద్యోగం చేయాల‌ని చూస్తున్నారా..? అయితే మీకు బ్యాంక్ ఆఫ్ బ‌రోడా గొప్ప అవ‌కాశాన్ని క‌ల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిర‌ప‌డాల‌ని అనుకుంటున్న వారి కోసం యూనియ‌న్ బ్యాంక్ ఆఫ్ ఇండియా శుభ వార్త చెప్పింది.…
ప‌బ్లిక్ సెక్టార్‌కు చెందిన భార‌త్ ఎల‌క్ట్రానిక్స్ లిమిటెడ్ (BEL) ప‌లు విభాగాల్లో ఖాళీగా ఉన్న పోస్టుల భ‌ర్తీకి గాను ఆస‌క్తి,…
దేశంలోని ప్ర‌ముఖ ప‌బ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బ‌రోడా ఆస‌క్తి, అర్హ‌త ఉన్న అభ్య‌ర్థుల నుంచి ప‌లు…
రైల్వేలో ఉద్యోగం చేయాల‌నుకుంటున్నారా..? అయితే మీకు రైల్వే రిక్రూట్‌మెంట్ బోర్డు శుభ‌వార్త చెప్పింది. ప‌లు విభాగాల్లో ఖాళీగా ఉన్న పోస్టుల…
ఇండియ‌న్ ఎయిర్ ఫోర్స్‌లో ప‌నిచేయాల‌ని అనుకుంటున్నారా..? అయితే ఇది మీకు ఒక గొప్ప అవ‌కాశం అని చెప్ప‌వ‌చ్చు. ఇండియ‌న్ ఎయిర్…
పోస్ట‌ల్ శాఖ‌లో ఉద్యోగం చేయాల‌ని అనుకుంటున్నారా..? అయితే ఈ స‌ద‌కాశం మీకోస‌మే. త‌పాలా శాఖ వారు భారీ ఎత్తున ఉద్యోగ…