Viral Video : ప్ర‌మాదాలు అనేవి అనుకోకుండానే జ‌రుగుతుంటాయి. చెప్పి జ‌ర‌గ‌వు. కానీ అవి జ‌రిగేట‌ప్పుడు స‌మ‌య‌స్ఫూర్తి, చాక‌చక్యంతో వ్య‌వ‌హ‌రించాలి. దీంతో ఎలాంటి న‌ష్టం జ‌ర‌గ‌కుండా బ‌య‌ట ప‌డ‌వ‌చ్చు. స‌రిగ్గా ఆ మ‌హిళా పోలీస్ ఆఫీస‌ర్ కూడా అలాగే చేసింది. వేగంగా వ‌స్తున్న కారు ఢీకొట్ట‌బోయేలోగానే ఆమె ఆ బాలిక‌ను ప‌క్క‌కు లాగి ర‌క్షించింది. వివ‌రాల్లోకి వెళిలే..
అమెరికాలోని మేరీల్యాండ్ అనే ప్రాంతంలో ఉన్న నార్త్ ఈస్ట్ మిడిల్ స్కూల్ ఏరియాలో అన్నెట్ గుడ్ ఇయర్ అనే మ‌హిళా పోలీస్ ఆఫీస‌ర్ గా గ‌త 14 ఏళ్ల నుంచి విధులు నిర్వ‌ర్తిస్తోంది. రోడ్డుపై వ‌చ్చే ట్రాఫిక్‌ను నియంత్రిస్తూ పాద‌చారులు, వాహ‌న‌దారుల‌ను సుర‌క్షితంగా అక్క‌డి కూడ‌లి నుంచి క్రాస్ చేయించాలి. ఇదీ.. ఆమె రోజూ చేసే ప‌ని.
అయితే తాజాగా ఒక రోజు ఆమె య‌థావిధిగా డ్యూటీలో ఉంది. ఈ క్ర‌మంలోనే కూడ‌లి వైపు వేగంగా వ‌స్తున్న ఓ కారును ఆగాల్సిందిగా ఆమె సూచించింది. అప్పుడే ఓ బాలిక రోడ్డు దాటుతుండ‌గా.. ఆమె ఆ కారును ఆప‌మ‌ని సైగ చేసింది. అయితే ఆ కారు డ్రైవ‌ర్ దాన్ని ప‌ట్టించుకోలేదు. వేగంగా వ‌స్తూనే ఉన్నాడు. దీంతో ప్ర‌మాదాన్ని ఊహించిన అన్నెట్ రోడ్డు దాటుతున్న బాలిక‌ను వెంట‌నే ప‌క్క‌కు లాగింది. అదే స‌మ‌యానికి కారు కూడా వేగంగా వ‌చ్చింది. ఆమె ఆ బాలిక‌ను ప‌క్క‌కు లాగ‌కుండా ఉంటే ఆ కారు ఆ బాలిక‌ను ఢీకొట్టి ఉండేది. ఆమె లాగ‌డంతో ఆ బాలిక ప్రాణాల‌తో బ‌య‌ట ప‌డింది.
https://twitter.com/iamwesmoore/status/1490074947917602820
ఇక ఈ సంఘ‌ట‌న మొత్తం అక్క‌డి సీసీటీవీ కెమెరాల్లో రికార్డ‌యింది. దీన్ని అక్క‌డి సెసిల్ కంట్రీ ఎగ్జిక్యూటివ్ డానియెల్ హార్న్‌బ‌ర్గ‌ర్ షేర్ చేయ‌గా.. అది వైరల్ గా మారింది. అంద‌రూ ఆ మ‌హిళా పోలీస్ ఆఫీస‌ర్ చేసిన ప‌నికి ఆమెను అభినందిస్తున్నారు. ఎంతో స‌మ‌య‌స్ఫూర్తితో వ్య‌వ‌హ‌రించి ఒక నిండు ప్రాణాన్ని కాపాడావంటూ ఆమెను కొనియాడుతున్నారు. ఈ క్ర‌మంలోనే ఆ వీడియోను ఇప్ప‌టికే చాలా మంది వీక్షించ‌గా.. అంద‌రూ ఆమెను ప్ర‌శంసిస్తూ కామెంట్లు చేస్తున్నారు.
