Viral Video : పాముల‌ను చూస్తేనే కొంద‌రు ఆమడ దూరం పారిపోతారు. కొంద‌రికి పాము పేరు చెబితేనే వెన్నులో వ‌ణుకు పుడుతుంది. ఇక పాము ఎదురుగా వ‌స్తేనా.. అంతే సంగ‌తులు. బ‌తుకు జీవుడా.. అంటూ ఎవ‌రైనా పారిపోతారు. అయితే ఆ వ్య‌క్తికి మాత్రం పాము అంటే ఏమాత్రం భ‌యం లేదు. పైగా భారీ తాచుపాముకు అత‌ను స్నానం చేయించాడు. దాని త‌ల‌పై రెండు బ‌కెట్ల నీళ్లు కూడా పోశాడు. ఈ క్ర‌మంలోనే ఈ వీడియో వైర‌ల్‌గా మారింది.
సోష‌ల్ మీడియాలో వైరల్ అవుతున్న ఓ వీడియోలో ఓ వ్య‌క్తి పాము త‌ల‌పై రెండు బ‌కెట్ల నీళ్ల‌ను కుమ్మ‌రించి స్నానం చేయించిన‌ట్లు చేశాడు. అది తాచు పామ‌ని చూస్తుంటేనే అర్థ‌మ‌వుతుంది. భారీగా పొడ‌వుగా కూడా ఉంది. అంత‌టి పెద్ద పామును చూస్తే ఎవ‌రికైనా ఒళ్లు జ‌ల‌ద‌రిస్తుంది. దూరంగా పారిపోతారు. కానీ ఆ వ్య‌క్తి మాత్రం ఏమాత్రం భ‌య‌ప‌డ‌కుండా పాము త‌ల‌పై నీళ్లు పోశాడు. అయితే ఈ వీడియో చాలా పాత‌ది. అయిన‌ప్ప‌టికీ మ‌ళ్లీ వైరల్ అవుతోంది.
Summer time..
And who doesn’t like a nice head bath🙏Can be dangerous. Please don’t try. pic.twitter.com/ACJpJCPCUq
— Susanta Nanda IFS (@susantananda3) May 24, 2020
ఈ వీడియోను షేర్ చేసింది 2020వ సంవత్సరం మే నెల‌లో. అప్ప‌ట్లో ఆ స‌మ‌యంలో ఎండ‌లు ఎక్కువ‌గానే ఉన్నాయి. మే నెల‌లో స‌హ‌జంగానే ఎండ‌లు ఎక్కువ‌గా ఉంటాయి. అయితే ఆ వేడికి తాళ‌లేక ఆ పాము అక్క‌డికి వ‌చ్చిన‌ట్లు స్ప‌ష్ట‌మ‌వుతోంది. అందుక‌నే దాని వేస‌వి తాపాన్ని త‌గ్గించేందుకు అత‌ను అలా చేశాడ‌ని తెలుస్తోంది. అయితే ఈ వీడియో పాత‌ది అయినా ఇప్పుడు నెటిజ‌న్లు దీన్ని తెగ వీక్షిస్తూ షేర్ చేస్తున్నారు. ఇది సోష‌ల్ మీడియాలో ఇప్పుడు మ‌ళ్లీ వైరల్ అవుతోంది. ఇక ఈ వీడియో గురించి నెటిజ‌న్లు ర‌క‌ర‌కాల కామెంట్లు కూడా చేస్తున్నారు.
