SS Rajamouli : పైసా సంపాద‌న లేని నేను నా భ‌ర్య సంపాద‌న‌తో బ్ర‌తికాను: రాజ‌మౌళి

SS Rajamouli : దాదాపుగా మూడు సంవ‌త్స‌రాలు ఆర్ఆర్ఆర్ చిత్ర షూటింగ్‌తో బిజీగా ఉన్న రాజ‌మౌళి ఇప్పుడిప్పుడే కాస్త బ‌య‌ట క‌నిపిస్తున్నారు. తాజాగా ఓ విద్యాసంస్థలో జరిగిన ఈవెంట్‌లో పాల్గొన్నారు. అక్క‌డ త‌న అభిమానులు అడిగిన ప్ర‌శ్న‌ల‌కు స‌మాధానం ఇచ్చారు. అయితే ఓ సంద‌ర్భంలో తనకు పైసా సంపాదన లేని సమయంలో తన భార్య ర‌మా రాజ‌మౌళి జీతం మీద బతికానని అన్నారు. అప్పుడు నా డ్యూటీ ఆమెను తీసుకెళ్లి, తీసుకు రావ‌డం. ఖాళీ స‌మ‌యంలో క‌థ‌లు రాసుకోవ‌డం.

నేను ఆమె సంపాద‌న మీద బ్ర‌తికాన‌ని చెప్ప‌డానికి ఏ మాత్రం సిగ్గులేద‌ని రాజ‌మౌళి పేర్కొన్నారు. ఇప్పుడు నా సినిమాలు ఫ్లాప్ అయి, ప‌రిస్థితి బాగోలేక‌పోతే నా భార్య‌ని జాబ్‌కి పంపించి, ఆమె జీతం మీదే బ‌తుకుతాను అంటూ రాజ‌మౌళి స్ట‌న్నింగ్ కామెంట్స్ చేశారు. ఇప్పుడు ఆయ‌న మాట‌లు వైర‌ల్‌గా మారాయి. అప్ప‌ట్లో రాజ‌మౌళికి దర్శకుడు కావాలనే తపన ఉన్నప్పటికీ, చేతిలో డబ్బులు లేకపోవడంతో ఒక్కోసారి ఆత్మ విశ్వాసం సన్నగిల్లేది. నాన్న విజయేంద్ర ప్రసాద్ పరిశ్రమలో ఉండడం వలన, అన్ని క్రాఫ్ట్స్ లో పని చేసి, పట్టు సాధించానని, రాజమౌళి తెలియజేశారు.

రాజమౌళి ప్రతి సినిమాకు కుటుంబం మొత్తం పని చేస్తారు. సంగీత దర్శకుడిగా అన్న కీరవాణి చేస్తుండగా, వదిన వల్లి, భార్య రమా కాస్ట్యూమ్ డిజైనర్స్ గా, కొడుకు కార్తికేయ ప్రొడక్షన్.. ఇలా మొత్తం ఫ్యామిలీ మమేకం అవుతారు. ప్ర‌తి విజ‌యంలోనూ ఫ్యామిలీ అంతా ఉంటుంది. ఎంత ఎదిగినా కూడా వారు ఒదిగే ఉంటారు. రాజ‌మౌళి తెర‌కెక్కించిన ఆర్ఆర్ఆర్ చిత్రం జ‌నవ‌రి 7న విడుద‌ల కానుండ‌గా, ఈ సినిమా కోసం ప్రంపంచం అంతా ఆస‌క్తిగా ఎదురు చూస్తోంది.