Pushpa : ప్రస్తుతం సుకుమార్ దర్శకత్వంలో పాన్ ఇండియా స్థాయిలో తెరకెక్కుతున్న పుష్ప సినిమా గురించి అందరికీ తెలిసిందే. ఈ సినిమా నుంచి ఇప్పటికే విడుదలైన పోస్టర్లు, టీజర్, పాటలు ప్రేక్షకులను ఎంతగానో ఆకట్టుకుని సినిమాపై భారీ అంచనాలు పెంచాయి. తాజాగా ఈ చిత్రం నుంచి శ్రీవల్లి పాత్రకు సంబంధించిన ఫస్ట్ లుక్ పోస్టర్ ను విడుదల చేయగా ఈ పోస్టర్ ప్రేక్షకులను ఎంతగానో ఆకట్టుకుంటోంది. ఈ క్రమంలోనే శ్రీవల్లి పాత్రకు సంబంధించిన పాటలను ఈనెల 13వ తేదీ విడుదల చేయనున్నట్లు చిత్ర బృందం అధికారికంగా ప్రకటించింది.
కాగా ఈ పాటకు సంబంధించిన ప్రోమోను చిత్రబృందం విడుదల చేసింది. సిద్ధ్ శ్రీరామ్ పాడిన “చూపే బంగారమయనే శ్రీవల్లి” అనే పాటకి సంబంధించిన ప్రోమోను విడుదల చేయగా ప్రస్తుతం సోషల్ మీడియాలో వైరల్ గా మారింది. ఈ క్రమంలోనే పూర్తి పాటను చిత్ర బృందం అక్టోబర్ 13న విడుదల చేయనున్నారు.
ఇప్పటికే ఈ చిత్రం నుంచి విడుదలైన దాక్కొ దాక్కొ మేక అనే పాట ఐదు భాషల్లో విడుదలై మంచి ఆదరణ దక్కించుకుంది. ఇక అక్టోబర్ 13వ తేదీన శ్రీవల్లి పాత్రకు సంబంధించిన ఈ పాటను విడుదల చేయనున్నారు. ఇకపోతే ఈ సినిమా డిసెంబర్ 17వ తేదీన ప్రపంచవ్యాప్తంగా విడుదల కానుంది.