Sharwanand : ఓటీటీలో విడుదలకానున్న శర్వానంద్ తదుపరి చిత్రం..!

Sharwanand : కరోనా  వల్ల థియేటర్లు మూత పడటంతో ఓటీటీలకు ఎంతో మంచి ఆదరణ పెరిగింది. ఈ క్రమంలోనే స్టార్ హీరోల చిత్రాలు కూడా ఓటీటీలో విడుదలవుతూ ఎంతో మంచి ఆదరణ దక్కించుకుంటున్నాయి. ఇదిలా ఉండగా తాజాగా శర్వానంద్, సిద్ధార్థ మల్టీస్టారర్ చిత్రంగా అజయ్ భూపతి దర్శకత్వంలో తెరకెక్కిన మహాసముద్రం థియేటర్లలో విడుదల అయ్యి ప్రేక్షకులను సందడి చేయలేకపోయింది.

ఈ క్రమంలోనే శర్వానంద్ నటిస్తున్న తదుపరి చిత్రాన్ని థియేటర్ లో కాకుండా ఓటీటీలో విడుదల చేయడానికి సిద్ధమయ్యారు. శర్వానంద్ వరుసగా నాలుగైదు ఫ్లాప్ సినిమాలను ఎదుర్కొనగా ప్రస్తుతం శర్వానంద్ మంచి హిట్ చిత్రం కోసం ఎదురుచూస్తున్నారు. ఈ క్రమంలోనే శర్వానంద్ తమిళ నిర్మాణ సంస్థ డ్రీమ్ వారియర్స్ పిక్చర్స్ నిర్మించిన “ఒకే ఒక జీవితం” అనే సినిమాలో నటించారు.

ఈ సినిమా తెలుగు, తమిళ ద్విభాషా చిత్రంగా తెరకెక్కింది. ఇక శర్వానంద్ నటించిన ఈ సినిమాను థియేటర్లో కాకుండా ఓటీటీలో విడుదల చేయాలని చిత్రబృందం భావించింది. ఈ క్రమంలోనే ఈ సినిమాను అమెజాన్ ప్రైమ్ వీడియోలో విడుదల చేయాలని చిత్రబృందం భావిస్తోంది.

ఇక ఇందులో రీతూవర్మ హీరోయిన్ పాత్రలో నటించగా అక్కినేని అమల కీలక పాత్రలో నటించారు. మరి ఈ చిత్రం ద్వారా అయినా శర్వానంద్ విజయాన్ని అందుకుంటాడో లేదో తెలియాల్సి ఉంది. అయితే ఈ చిత్రం ఎప్పుడు విడుదల అవుతుంది అనే విషయాల గురించి త్వరలోనే వివరాలను వెల్లడించనున్నారు.