Samantha : విడాకుల తర్వాత సమంత తన స్పీడ్ పెంచినట్టు తెలుస్తోంది. ఈ క్రమంలోనే శాకుంతలం సినిమా షూటింగ్ పూర్తి చేసుకోగానే వెంటనే తెలుగులో ఒక థ్రిల్లర్ సినిమాకు ఓకే చెప్పిన సమంత తమిళంలో మరొక సినిమాకి కూడా గ్రీన్ సిగ్నల్ ఇచ్చింది. ఇలా వరుస సినిమాలతో దూకుడు పెంచిన సమంత ఈ సారి ఏకంగా ఓ హాలీవుడ్ చిత్రానికి కూడా గ్రీన్ సిగ్నల్ ఇచ్చినట్లు సమాచారం. గతంలో సమంత నటించిన ఓ బేబీ చిత్రాన్ని నిర్మించిన సునీత తాటి నిర్మాణంలో సమంత ఇంటర్నేషనల్ సినిమాకు గ్రీన్ సిగ్నల్ ఇచ్చినట్టు సమాచారం.
ఫిలిప్ జాన్ దర్శకత్వంలో రచయిత తిమెరి ఎన్ మురారి నవల అయిన “ది అరేంజ్ మెంట్స్ ఆఫ్ లవ్” ఆధారంగా తెరకెక్కుతున్న సినిమాలో సమంత హీరోయిన్ పాత్రలో నటిస్తోంది. ఈ సినిమా ఇండియాలో కొంత భాగం చిత్రీకరించగా మరి కొంత భాగాన్ని వేల్స్ లో చిత్రీకరించనున్నట్లు తెలుస్తోంది. ప్రస్తుతం నిర్మాత సునీత.. శాకినీ ఢాకినీ సినిమాను నిర్మిస్తున్నారు. ఈ సినిమా అనంతరం సమంతతో ఆ హాలీవుడ్ చిత్రాన్ని తెరకెక్కించనున్నారు.
ఇలా విడాకులు తరువాత సమంత ఏకంగా తెలుగు, తమిళ చిత్రాలే కాకుండా బాలీవుడ్ ఎంట్రీ ఇవ్వనుందని అందరూ భావించారు. ఈ క్రమంలోనే టాప్ సీడ్ ప్రొడక్షన్ లో ఓ లేడీ ఓరియంటెడ్ చిత్రం ద్వారా సమంత ఇండస్ట్రీలోకి అడుగు పెట్టబోతుందన్న వార్తలు వచ్చినప్పటికీ ఈ విషయం గురించి ఎలాంటి అధికారిక ప్రకటన రాలేదు.అ యితే సమంత ఏకంగా హాలీవుడ్ చిత్రాలలో కూడా నటిస్తూ తన స్టామినా ఏంటో మరోసారి నిరూపించుకోబోతోంది.
