RRR Movie : రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన ఆర్ఆర్ఆర్ సినిమా మరో పది రోజులలో ప్రేక్షకుల ముందుకు రానుంది. ఈ క్రమంలోనే పెద్ద ఎత్తున సినిమా ప్రమోషన్ కార్యక్రమాల్లో పాల్గొంటున్నారు. ఇక ఇప్పటికే ఈ సినిమా పై భారీ అంచనాలు ఏర్పడడంతో ఈ సినిమా కోసం ప్రేక్షకులు ఎంతో ఆత్రుతగా ఎదురు చూస్తున్నారు. ఈ సినిమాని ఇదే స్థాయిలో భారీ బడ్జెట్ చిత్రంగా తెరకెక్కించిన విషయం అందరికీ తెలిసిందే.
ఇక ఈ సినిమా కోసం ప్రముఖ నిర్మాత డి.వి.వి.దానయ్య ఏకంగా రూ.450 కోట్లు ఖర్చు పెట్టినట్లు వార్తలు వచ్చాయి. అయితే ఈ సినిమా పూర్తి స్థాయిలో చిత్రీకరణ జరుపుకోవడం కోసం ఏకంగా రూ.550 కోట్లు ఖర్చు అయ్యిందని దర్శకుడు రాజమౌళి వెల్లడించారు. అయితే ఈ సినిమా ప్రీ రిలీజ్ బిజినెస్ కూడా భారీగా జరుపుతున్నట్లు సమాచారం. ఈ సినిమాకు ఏకంగా రూ.890 కోట్ల బిజినెస్ జరిగిందనే వార్తలు వస్తున్నాయి.
ఇలా భారీ బడ్జెట్ తో తెరకెక్కిన ఈ సినిమాలో నటించిన నటీనటులకు కూడా భారీ మొత్తంలో రెమ్యూనరేషన్ ఇచ్చినట్లు తెలుస్తోంది. హీరోలుగా నటించిన రామ్ చరణ్, ఎన్టీఆర్ లకి రూ.45 కోట్ల చొప్పున పారితోషకం అందించారట. అదేవిధంగా హీరోయిన్ అలియా భట్ రూ.9 కోట్లు తీసుకోగా, అజయ్ దేవగన్ రూ.25 కోట్లు తీసుకున్నట్లు సమాచారం.
ఇక దర్శకుడిగా రాజమౌళి ఈ సినిమా లాభాలలో 30 శాతం వాటా తీసుకోబోతున్నారని తెలుస్తోంది. ఈ సినిమా మరో పది రోజులలో ప్రేక్షకుల ముందుకు రానుండడంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. అలాగే ఈ నెల 18,19 తేదీలలో దుబాయ్, బెంగళూరు ప్రాంతాలలో ప్రీ రిలీజ్ వేడుకలను ఎంతో ఘనంగా నిర్వహించడానికి మేకర్స్ ప్లాన్ చేసినట్లు తెలుస్తోంది.
