Ragi Laddu : మ‌నం చిరు ధాన్యాల‌యిన‌టు వంటి రాగుల‌ను కూడా ఆహారంలో భాగంగా తీసుకుంటూ ఉంటాం. రాగులు మ‌న‌కు విరివిరిగా ల‌భిస్తాయి. ప్ర‌స్తుత కాలంలో వ‌స్తున్న అనారోగ్య స‌మ‌స్య‌ల నుండి బ‌య‌ట‌ప‌డ‌డానికి చాలా మంది రాగుల‌ను ఆహారంగా తీసుకుంటున్నారు. బ‌రువు త‌గ్గ‌డంలో, గుండె ఆరోగ్యాన్ని మెరుగుప‌ర‌చ‌డంలో, బీపీ, షుగ‌ర్ వంటి వ్యాధుల‌ను నియంత్రించ‌డంలో రాగులు ఎంతో స‌హాయ‌ప‌డ‌తాయి. రాగుల‌ను పిండిగా చేసి మ‌నం జావ, ఉప్మా, ఇడ్లీ, రోటీ వంటి వాటిని తయారు చేసుకుంటూ ఉంటాం. ఇవే కాకుండా రాగుల‌తో ఎంతో రుచిగా ఉండే ల‌డ్డూల‌ను కూడా తయారు చేసుకోవ‌చ్చు. చాలా తక్కువ స‌మ‌యంలో, చాలా సుల‌భంగా రాగి ల‌డ్డూల‌ను ఎలా తయారు చేసుకోవాలి.. వీటి త‌యారీకి కావల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
రాగి ల‌డ్డూల త‌యారీకి కావల్సిన ప‌దార్థాలు..
రాగి పిండి – 250 గ్రా., పల్లీలు – 50 గ్రా., బెల్లం – 250 గ్రా., యాల‌కుల పొడి – చిటికెడు, నెయ్యి – 2 లేదా 3 టేబుల్ స్పూన్స్, నీళ్లు – 100 ఎంఎల్.
Ragi Laddu
రాగి ల‌డ్డూల త‌యారీ విధానం..
ముందుగా ఒక క‌ళాయిలో నెయ్యి వేసి నెయ్యి వేడ‌య్యాక రాగిపిండిని వేసి కొద్దిగా రంగు మారే వరకు చిన్న మంట‌పై వేయించుకోవాలి. త‌రువాత ప‌ల్లీల‌ను కూడా వేసి వేయించి పొట్టు తీయాలి. ఈ ప‌ల్లీల‌ను ఒక జార్ లో వేసి మ‌రీ మెత్త‌గా కాకుండా ప‌లుకుగా ఉండేలా మిక్సీ ప‌ట్టుకోవాలి. ఇప్పుడు ఒక గిన్నెలో లేదా క‌ళాయిలో బెల్లాన్ని , నీళ్ల‌ను పోసి బెల్లం క‌రిగే వరకు తిప్పుతూ ఉండాలి. బెల్లం క‌రిగి త‌రువాత వ‌డ‌పోసి మ‌ర‌లా తీగ‌పాకం వ‌చ్చే వరకు వేడి చేయాలి.
బెల్లం పాకం వ‌చ్చిన త‌రువాత యాల‌కుల పొడిని వేసి క‌ల‌పాలి. త‌రువాత క‌చ్చా ప‌చ్చాగా మిక్సీ ప‌ట్టిన ప‌ల్లీల‌ను, రాగి పిండిని వేసి ఉండలు లేకుండా బాగా క‌లిపి స్ట‌వ్ ఆఫ్ చేయాలి. ఈ మిశ్ర‌మం చ‌ల్ల‌గా అయ్యి గోరు వెచ్చ‌గా ఉన్న‌ప్పుడు చేతికి నెయ్యిని రాసుకుంటూ త‌గిన ప‌రిమాణంలో పిండిని తీసుకుంటూ ఉండ‌లుగా చుట్టుకోవాలి. ఇలా చేయ‌డం వ‌ల్ల ఎంతో రుచిగా ఉండే రాగి ల‌డ్డూలు త‌యార‌వుతాయి. వీటిని గాలి త‌గ‌ల‌కుండా మూత ఉండే గాజు సీసాలో నిల్వ చేసుకోవ‌డం వ‌ల్ల 10 నుండి 15 రోజుల పాటు తాజాగా ఉంటాయి. ఈ రాగి ల‌డ్డూల‌ను రోజుకి ఒక‌టి లేదా రెండు చొప్పున తిన‌డం వ‌ల్ల రాగుల్లో ఉండే పోష‌కాలు మన శ‌రీరానికి ల‌భిస్తాయి. దీంతో ఆరోగ్య‌క‌ర‌మైన ప్ర‌యోజ‌నాల‌ను పొంద‌వ‌చ్చు.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…